اسلام آباد:پاکستان میںبارشوں سے جاں بحق ہونے والی کی تعداد میں اضافہ ہونے لگا.تازہ ترین اطلاعات کے مطابق نیشنل ڈیزاسٹر مینیجمنٹ اتھارٹی (این ڈی ایم اے) کی طرف سے بتایا گیاہے کہ شدید بارشوں کے باعث اب تک 87 افراد جانبحق اور 74 زخمی ہو چکے ہیں۔
اعداد وشمار کے مطابق خیبرپختونخوا میں تباہی کے باعث سب سے زیادہ 29 ہلاکتیں ہوئی ہیں۔ پنجاب میں ہلاکتوں کی تعداد 23 ، آزاد کشمیر میں 22اور بلوچستان میں 10اور سندھ میں 3 ہوگئی ہے۔
شمالی علاقہ جات ،سندھ اور کے پی کے حوالے سے رپورٹ جاری کرتے ہوئے بتایا ہے کہ سندھ،خیبرپختونخوا،بلوچستان،گلگت بلتستان متاثرہ علاقوں میں شامل ہیں۔ گزشتہ 24 گھنٹوں کے دوران مانسہرہ میں 3،اپر دیر میں 1 ہلاکت ہوئی ہے۔
نیشنل ڈیزاسٹر مینیجمنٹ اتھارٹی کے اعلامیے میں کہا گیاہے کہ خیبر پختونخوا میں چترال اور وادی گولن کا راستہ بند ہے، کے پی میں تین پاور ہاؤسز ناکارہ ہوگئے ہیں جبکہ 3 پل بہہ گئے ہیں ۔ اسی طرح چترال ٹاؤن میں پانی کی سپلائی منقطع ہے۔ کشمیر میں 1 سڑک متاثر، 120 گھر، 39 دوکانیں تباہ ہوئی ہیں۔
نیشنل ڈیزاسٹر مینیجمنٹ اتھارٹی کے مطابق دریائے کابل میں نوشہرہ کے مقام پر درمیانے اور منگلہ کے مقام پر نچلے درجے کا سیلاب ہے۔ دریائے چناب میں مرالہ،خانکی اور قادرآباد کے مقام پر اونچے درجے کا سیلاب ہے۔
دوسری طرف ملک میاگلے 72 گھنٹوں میںموسم کی صورت حال سے متعلق آگاہ کرتے ہوئے کہا ہے کہ دریائے کابل سے ملحقہ ندی نالوں میں ظغیانی کا خدشہ ہے۔ این ڈی ایم اے نے تمام متعلقہ محکموں اور صوبوں کر الرٹ جاری کر دیا ہے۔
یاد رہے کہ نیشنل ڈیزاسٹر مینیجمنٹ اتھارٹی پاکستان بھر میں ہونے والی بارشوں کے سلسلے میں پیدا ہونے والی صورت حال سے مسلسل آگاہ رکھے ہوئے ہے، اس ادارے کی تازہ ترین اطلاعات کے مطابق شہری علاقوں میں پشاور،راولپنڈی، فیصل آباد ، گجرانوالہ، لاہور اور سرگودھا ڈویژن میں سیلابی صورتحال کا خدشہ ظاہر کیا جارہاہے۔ اسی طرح دریائے جہلم،چناب،کابل اور دیگر ملحقہ ندی نالوں میں پانی کی سطح بلند ہونے کا خدشہ ہے
