امریکی صدر کا نقل مکانی کرنے والے افغانیوں کے لئے امداد کا اعلان

امریکی صدر جوبائیڈن نے نقل مکانی کرنے والے افغان شہریوں کی امداد کے لیے 10کروڑ ڈالر امداد کی منظوری دے دی ہے-

باغی ٹی وی : وائٹ ہاؤس سے جاری بیان کے مطابق اس رقم کی ادائیگی پناہ گزینوں سے متعلق امریکی ایمرجنسی فنڈ سےکی جائےگی جبکہ امداد سے پناہ گزینوں کی غیر متوقع ضروریات، تنازعات کا شکار افراد اور دیگر افراد کو لاحق خطرات سےنمٹنے میں مدد ملے گی۔

امریکا کا افغان مترجموں کو پناہ دینے کا اہم فیصلہ سامنے آ گیا

بیان میں یہ بھی کہا گیا کہ اس فنڈ سے ان 20 ہزار افغان مترجمین کی مدد بھی کی جائے گی جو امریکی فوج کے لیے خدمات انجام دے رہے تھے اور اب انہوں نے امریکی امیگریشن کے لیے درخواستیں دے رکھی ہیں۔

بیان کے مطابق امداد بین الاقوامی تنظیموں ، این جی اوز ، امریکی حکومت اوراس کے اداروں کے ذریعے تقسیم کی جائے گی۔

افغانستان سے امریکی فوج کے انخلا کے بعد زندگی کیسی ہو گی؟

پاکستان افغانستان کے سیاسی حل میں اپنا کردار نبھانے کے لیے پرعزم ہے معید یوسف