اگر ماہرہ خان اسٹار ہیں تو فردوس جمال لیجنڈ ، یہ کون ہے جو فردوس جمال کی حمایت میںبول پڑا ؟
کراچی : پاکستانی اداکاروں کے درمیان ہلکی پھلکی جارحانہ بیان بازی شدت ختیار کرنے لگی ، ماہرہ خان اور فردوس جمال کی حمایت میں دوسرے اداکار بھی سامنے آنے لگے،
یہ معاملہ اس وقت تنازعے کی شکل اختیار کرگیا جب فردوس جمال نے اداکار فیصل قریشی کے مارننگ شو میں ماہرہ خان کی اداکاری کو تنقید کا نشانہ بناتے ہوئے کہا تھا کہ وہ اس عمر میں ہیروئن بننے کے بجائے ماہ کا کردار ادا کریں، جبکہ ان کا کہنا تھا کہ وہ ماہرہ کو اداکارہ نہیں بلکہ صرف ایک ماڈل مانتے ہیں۔
ماہرہ خان اور فردوس جمال کے درمیان جہاں کئی اداکاروں نے فردوس جمال کو تنقید کا نشانہ بنایا وہیں اداکار شان شاہد نے بھی اب اس سلسلے میں اپنا بیان دے دیا۔اداکار نے سماجی رابطے کی ویب سائٹ ٹوئٹر پر ان دونوں بڑے اداکاروں کے درمیان جاری تنازع پر اپنے دکھ اور مایوسی کا اظہار کیا۔
sad to hear what firdous sb said abt MK. And sad to see what People on Twitter are saying to firdous sb .he has given more to this industry than just his last interview .Mahira is a ⭐️,and no opinion can take this status from her. And Firdous sb is a legend #❤️ubothourpride🇵🇰
— Shaan Shahid (@mshaanshahid) July 31, 2019
شان شاہد نے اپنی ٹویٹ میں لکھا کہ ‘جو بھی فردوس جمال نے ماہرہ خان کے بارے میں کہا اسے سن کر دکھ ہوا اور جو بھی ٹوئٹر پر لوگ فردوس صاحب کے بارے میں بول رہے ہیں اسے پڑھ کر اور بھی زیادہ دکھ ہوا، انہوں نے اس انٹرویو سے کہیں زیادہ انڈسٹری کے لیے کام کیا ہے، ماہرہ خان ایک اسٹار ہیں اور کسی بھی قسم کی رائے ان سے یہ درجہ نہیں لے سکتی اور فردوس صاحب ایک لیجنڈ ہیں’۔