بھارت ہار چکا، وزیراعظم کے معاون خصوصی زلفی بخاری نے ایسا کیوں کہا؟

وزیراعظم عمران خان کے معاون خصوصی زلفی بخاری نے کہا ہے کہ بھارتی فوج نے کلسٹر بم کا استعمال بچوں کے خلاف کر رہی ہے، بھارت حقیقت میں یہ جنگ ہار چکا ہے
‘

باغی ٹی وی کی رپورٹ کے مطابق سماجی رابطے کی ویب سائٹ ٹویٹر پر ٹویٹ کرتے ہوئے زلفی بخاری نے کہا کہ حق خود ارادیت کے خلاف کسی بھی فوج کو دنیا میں کامیابی نہیں ملی ،بھارت سرکار چار سالہ بچوں کے خلاف کلسٹر بم استعمال کر رہی ہے،شاید بھارتی فوج ایک آواز خاموش کروا لے گی لیکن وہ یہ نہیں جانتے کہ اس سے بہت سی آوازیں پیدا ہوں گی، زلفی بخاری کا مزید کہنا تھا کہ بھارت سرکار یہ جنگ ہار چکی ہے.

No army in the world has ever won against a movement demanding right of self-determination.Using cluster bombs against Kashmiri children as young as 4yrs,Indian Army may have silenced 1voice but given birth to many others-it’s a fight they’ve lost already!#IndiaUsingClusterBombs pic.twitter.com/PALBvGunAr

— Sayed Z Bukhari (@sayedzbukhari) August 3, 2019

واضح رہے کہ آج ڈی جی آئی ایس پی آر نے بھارت کو بے نقاب کیا تھا اور کہا تھا کہ بھارت نے لائن آف کنٹرول کے جنگ معاہدے کی خلاف ورزی کرتے ہوئے کلسٹر بم کا استعمال شروع کر دیا ہے جس سے ایک بچے سمیت دو شہری جاں بحق ہوئے ہیں ۔ڈی جی آئی ایس پی آر کا مزید کہنا تھا کہ بھارت بین الاقوامی قوانین کی خلاف ورزی کر رہا ہے، ڈی جی آئی ایس پی آر نے مزید کہا کہ عالمی دنیا بھارت کی جانب سے بین الاقوامی قوانین کی خلاف ورزیوں کا نوٹس لے ،رواں برس بھارت نے اب تک 1824 بار ایل او سی معاہدے کی خلاف ورزی کی.

قبل ازیں ڈی جی آئی ایس پی آر میجر جنرل آصف غفورنے کہا تھا کہ کشمیرہرپاکستانی کےخون میں دوڑتاہے، انشااللہ کشمیریوں کی تحریک آزادی کامیاب ہوگی،کشمیرایک سیاسی اورقانونی جدوجہد ہے، میجر جنرل آصف غفور نے مزید کہا کہ مسئلہ کشمیرپراقوام متحدہ کی قراردادیں بھی موجودہیں، بھارتی فورسزکاکلسٹربم کااستعمال بین الاقوامی معاہدوں کی خلاف ورزی ہے