اسلام آباد:جنرل اسمبلی میں عمران خان نے ناپسندیدہ عوامل پربحث کی:کپتان کوفارغ کیا جائے:تقریرلکھنے والے کو نہیں،اطلاعات کے مطابق پاکستان مسلم لیگ ن کی مرکزی نائب صدر مریم نواز نے وزیراعظم عمران خان کو انتہائی خراب انتخاب قرار دے دیا،
مریم نواز نے جنرل اسمبلی میں وزیراعظم عمران خان کی تقریرپرسخت تنقید کرتےہوئے کہا کہ میرے وزیراعظم نے جوتقریرجنرل اسمبلی میں کی وہ ناپسندیدہ ہے، کیوں کہ وزیراعظم نے ایسے موضوعات کوچھیڑا جن کی ضرورت نہیں تھی ، ان کا یہ بھی کہنا تھا کہ تقریر لکھنے والے کو نہیں عمران خان کو نکالیں،، عمران خان بہت خراب انتخاب ہے۔
یاد رہےکہ جن عوامل پر مریم نواز نے سخت تنقید کی انہیں عوامل پر جنرل اسمبلی میں وزیراعظم عمران خان نے گفتگو کی اور کہا کہ جنوبی ایشیاء میں امن کا دارومدار مسئلہ کشمیر کے حل میں ہے، مقبوضہ جموں و کشمیر میں بھارت کے گھنائونے اقدامات جنگی جرائم اور انسانیت کے خلاف جرائم کے مترادف ہیں،
وزیراعظم نے جنرل اسمبلی میں تقریر کرتے ہوئے کہاکہ بھارت کی فوجی طاقت میں اضافہ، جوہری ہتھیاروں کی تیاری اور غیر مستحکم کرنے والی روایتی صلاحیتوں کا حصول دونوں ممالک کے درمیان باہمی ڈیٹرنس کو سبوتاژ کر سکتا ہے،پاکستان اور بھارت کے درمیان ایک اور جنگ کو روکا جائے،مناسب اسلامی رسوم کے ساتھ سیّد علی گیلانی کے جسد خاکی کی شہدا کے قبرستان میں تدفین کی اجازت دی جائے،
وزیراعظم نے جنرل اسمبلی میں خطاب کرتےہوئے کہاکہ پاکستان کے ساتھ بامقصد اور نتیجہ خیز مذاکرات کیلئے سازگار ماحول بنانا بھارت کی ذمہ داری ہے ،غیر مستحکم، افراتفری کا شکار افغانستان ایک بار پھر بین الاقوامی دہشت گردوں کیلئے محفوظ پناہ گاہ بن سکتا ہے ، موجودہ افغان حکومت کو مضبوط اور مستحکم کیا جائے، ترقی پذیر ممالک میں کرپٹ حکمران اشرافیہ کی لوٹ مار کی وجہ سے امیر اور غریب ممالک کے درمیان فرق خطرناک رفتار سے بڑھ رہا ہے،
وزیراعظم نے اس موقع پر یہ بھی کہا تھا کہ اسلامو فوبیا میں اضافہ کو روکنے کے بارے میں عالمی مکالمے کا اہتمام کیا جائے، کوویڈ وبا، اقتصادی مندی اور موسمیاتی تبدیلی کے سہ جہتی بحران سے نبرد آزما ہونے کیلئے جامع حکمت عملی درکار ہے۔
Leave a reply
