کورونا کی تیسری لہربھارت کوتباہ کرکے رکھ دے گی:بھارتی ڈاکٹرنے ڈرا دیا
![](https://baaghitv.com/wp-content/uploads/2021/10/WmOPZUXj.png)
نئی دہلی :کورونا کی تیسری لہربھارت کوتباہ کرکے رکھ دے گی:بھارتی ڈاکٹرنے ڈرا دیا ،اطلاعات کے مطابق کورونا کی تباہ کاریاں تاحال جاری ہیں، پاکستان سمیت متعدد ممالک میں ابھی بھی اس مہلک وائرس کی وجہ سے ہلاکتیں ہورہی ہیں، بھارت میں تیسری لہر کی پیش گوئی کی گئی،اس دفعہ بچے زیادہ متاثر ہوں گے۔
تفصیلات کے مطابق ڈاکٹر مہیش شرماچئیرمین و ایم ڈی کیلاش گروپ آف ہسپتال نے کہا ہے کہ بھارت میں اکتوبر ،نومبر ،دسمبر میں کورونا کی تیسری لہر ضرور آئیگی کب آئے گی شدت کیا ہوگی پتہ نہیں لیکن تیاریوں کی ضرورت ہے، یہ لہربہت نقصان کرے گی خاص کر اس دفعہ بچے زیادہ متاثر ہوں گے۔
Dr. Mahesh Sharma , Chairman and Managing Director, Kailash Group of Hospitals, said that the country will possibly witness the third wave of Covid-19 in October-December#ThirdWave #HealthgiriAwards21https://t.co/4sUQjcncNQ
— IndiaToday (@IndiaToday) October 2, 2021
انڈیا ٹوڈے کے زیراہتمام ایک سیمینار سے خطاب کرتے ہوئے ڈاکٹر مہیش شرما کا کہنا تھاکہ جب ہم نے کورونا کی آمد پر تھالیاں بجائیں اور سنکھ پھونکے تو لوگ ہم پر ہنسے تھے۔ لیکن پچھلی مصیبتوں سے ہم نے سیکھا ہے دعا ہے کہ تیسری لہر نہ آئے لیکن ہم تیسری لہر سے نمٹنے کے لئے تیار ہیں۔
انہوں نے کہا کہ 40 سالوں سے اس پیشے میں ہوں کبھی نہیں دیکھا کہ دوائی ، آکسیجن ، ہسپتالوں میں بیڈ حتی کہ شمشان گھاٹ میں جگہ تک کم پڑ گئی ،انہوں نے کہا کہ اس وقت بالغ افراد کو زیادہ تر ویکسین لگ چکی ہے اور ان کی قوت مدافعت بھی طاقت پکڑ چکی ہے لیکن اب بوسٹر ڈوز نہ لگنے کے باعث جہاں قوت مدافعت کم ہوگی وہاں بچے اب تیسری لہر کا آسان شکار بن سکتے ہیں۔