قومی کرکٹر سرفراز احمد ٹی 20 کرکٹ میں پاکستان کے سب سے کامیاب کپتان بن گئے ہیں۔
باغی ٹی وی : تفصیلات کے مطابق قومی ٹیم کے سابق کپتان اور نیشنل ٹی 20 کپ میں سندھ کی قیادت کرنے والے سرفراز احمد ٹی 20 کرکٹ میں پاکستان کے کامیاب ترین کپتان بن گئے ہیں اور شعیب ملک اور مصباح الحق کو پیچھے چھوڑ دیا ہے-
سرفراز احمد نے بطور کپتان 140 میچوں میں سے 86 میں کامیابی حاصل کی جس کی شرح 61.4 فیصد ہے جبکہ شعیب ملک نے مختلف فرنچائزز کی کپتانی کی اور 85 فتوحات سمیٹیں۔
واضح رہے کہ نیشنل ٹی 20 کپ کے پہلے مرحلے کے اختتام کے بعد سندھ کی ٹیم چھ میچوں میں سے چار میچز جیت کر پوائنٹس ٹیبل پر سرفہرست ہے۔
واضح رہے کہ نیشنل ٹی ٹوئنٹی کپ کا پہلا مرحلہ مکمل ہونے کے بعد اب دوسرا مرحلہ بدھ سے شروع ہو گا۔
نیشنل ٹی ٹوئنٹی کپ کا دوسرا مرحلہ قذافی اسٹیڈیم لاہور میں شروع ہو گا سرفراز احمد کی ٹیم سندھ 8 پوائنٹس کے ساتھ سب سے آگے ہے جبکہ رضوان الیون خیبر پختونخوا دوسرے نمبر پر موجود ہے بابر اعظم اور شاہین آفریدی انفرادی پرفارمنس میں سرفہرست ہیں۔
پاکستان فٹ بال کے با صلاحیت کھلاڑیوں کی جنت ہے،مائیکل اوون
راولپنڈی اسٹیڈیم میں شروع ہونے والے نیشنل ٹی ٹوئنٹی کرکٹ میلے میں تمام 6 ٹیموں نے پہلے مرحلے کے 6، 6 میچزکھیل لیے ہیں۔
ٹیبل پوائنٹس پر کپتان بابر اعظم کی ٹیم سینٹرل پنجاب کے بھی 8 ہی پوائنٹس ہیں لیکن اوسط کے اعتبار سے وہ تیسری پوزیشن پر ہے جبکہ انفراد ی پرفارمنس میں واحد سنچری میکر بابر اعظم 286 رنز کے ساتھ نمبر ون اور باؤلنگ میں شاہین آفریدی 12 شکار کر کے ٹاپ پر ہیں-
