پینڈورا لیکس کی تیسری قسط کا ٹریلر جاری : اہم عالمی اورپاکستانی رہنماوں کے مزید بڑے نام بھی سامنے آ گئے

لاہور:پینڈورا لیکس میں اہم عالمی رہنما اورسیکڑوں بڑے بڑے پاکستانیوں کے نام بھی سامنے آ گئے ,اطلاعات کے مطابق ینڈورا لیکس میں 700 پاکستانی شہریوں سمیت اہم عالمی رہنماؤں کے نام بھی سامنے آگئے ہیں۔

عالمی رہنماؤں، سیاستدانوں اور ارب پتی افراد کی خفیہ دولت اور مالی لین دین کی تفصیلات ایک بڑے مالی سکینڈل سے متعلق دستاویزات کے سامنے آنے سے بے نقاب ہو گئی ہیں۔

مالی معاملات سے متعلق ان دستاویزات میں جن افراد کی خفیہ دولت اور مالی معاملات کا انکشاف ہوا ہے ان میں 35 موجودہ اور سابق عالمی رہنماؤں سمیت تقریباً تین سو ایسے عوامی نمائندے شامل ہیں جن کی آف شور کمپنیاں تھی۔ ان دستاویزات کو پینڈورا پیپرز کا نام دیا گیا ہے۔

تفصیلات کے مطابق پینڈورا لیکس میں سابق برطانوی وزیراعظم ٹونی بلئیر،روس کے صدر ولادی میر پیوٹن،اردن کے بادشاہ شاہ عبداللہ،یوکرین ، کینیا،چیک ری پبلک ،اور لبنان کے وزرائے اعظم اور آذربائیجان اور ایکواڈور کے صدور کے نام بھی شامل ہیں۔

اردن کے شاہ عبد اللہ کیلیفورنیا، واشنگٹن اور لندن میں 10کروڑ ڈالر اثاثوں کے مالک ہیں۔واشنگٹن میں اردن کے سفارتخانے نے شاہ عبداللہ کے مشکوک اثاثوں سے متعلق تبصرے سے انکار کردیا۔
دوسری جانب آف شور کمپنیاں رکھنے والوں سے متعلق پنڈورا پیپرز کی لسٹ میں قطر کے حکمرانوں کا نام بھی سامنے آیا ہے۔

پنڈورا پیپرز میں انکشاف کیا گیا ہے کہ سابق برطانوی وزیراعظم ٹونی بلیئر نے وسطی لندن میں 67 لاکھ پونڈ کی جائیداد خریدی مگر 3 لاکھ 12 ہزار پونڈ اسٹیمپ ڈیوٹی ادا نہیں کی۔بلیئر ترجمان کا کہنا ہے کہ جائیداد قانونی طور پر آف شور کمپنی سے خریدی گئی تھی ۔

[wp-embedder-pack width=”100%” height=”400px” download=”all” download-text=”” attachment_id=”425179″ /]

تحقیقاتی صحافیوں کے عالمی ادارے (آئی سی آئی جے) کی جانب سے جاری کیے گئے پیپرز میں انکشاف کیا گیا ہے کہ کابینہ کے اراکین سمیت وزیر اعظم عمران خان کے اندرونی حلقے کے افراد، کابینہ اراکین کے اہلخانہ، سیاسی اتحادی اور بڑے مالی معاونین، خفیہ طور پر آف شور کمپنیوں اور ٹرسٹوں کے مالک ہیں اور بیرون ملک کروڑوں ڈالر کی دولت چھپائے ہوئے ہیں۔

پینڈورا پیپرز میں سوسے زائد ملکوں کے ہزاروں افراد کا اس میں ذکرہے لیکن جب پاکستان کا ذکرہوتا ہے توپھراس میں بڑے بڑے نام سامنے آتے ہیں جن پاکستانیوں کے نام شامل ہیں؟یہ فہرست بھی بڑی دلچسپ ہے

اگرچہ آئی سی آئی جے کی جانب سے ابھی تک مکمل اعداد و شمار منظر عام پر نہیں لائے گئے، دنیا بھر کی اعلیٰ شخصیات کے مالیاتی امور کے حوالے سے ایک بڑی بین الاقوامی تحقیق ‘پینڈورا پیپرز’ میں کابینہ کے اہم اراکین، وزرا، میڈیا، فوجی افسران کے رشتہ دار اور طاقتور تاجر سمیت پاکستان کی اہم ترین اشرافیہ کے نام شامل ہیں۔

پینڈورا پیپرز میں جن پاکستانی سیاستدانوں کے نام آئے ہیں ان میں‌وزیر خزانہ شوکت ترین اور ان کے اہلخانہ،وزیر آبی وسائل مونس الٰہی،سابق وفاقی وزیر سینیٹر فیصل واڈا،وزیر اعظم کے سابق مشیر وفاق مسعود خان کے بیٹے عبداللہ مسعود خان،وزیر صنعت و پیداوار خسرو بختیار کے اہلخانہ،تحریک انصاف کے رہنما عبدالعلیم خان،پیپلز پارٹی رہنما شرجیل انعام میمن،مسلم لیگ (ن) کے رہنما اسحٰق ڈار کے بیٹے علی ڈار،پی ٹی آئی کے عطیہ کنندہ عارف نقوی،پی ٹی آئی کے عطیہ کنندہ طارق شفیع،مسلم لیگ (ق) کے سربراہ پرویز الٰہی کی اہلیہ،سابق چیئرمین ایف بی آر سلمان صدیقی کے بیٹے یاور سلمان شامل ہیں

پینڈورا پیپرز میں جن پاکستانی فوجی گھرانے یا ان کے اہلخانہ کے نام آئے ہیں ان کا سرسری سا تعارف کچھ یوں ہے،لیفٹیننٹ جنرل ریٹائرڈ شفاعت اللہ شاہ کی اہلیہ،ریٹائرڈ فوجی افسر اور سابق وزیر راجا نادر پرویز،آئی ایس آئی کے سابق ڈائریکٹر جنرل برائے انسداد انٹیلی جنس میجر جنرل ریٹائرڈ نصرت نعیمپاک فضائیہ کے سابق سربراہ عباس خٹک کے بیٹے عمر اور احد خٹک،لیفٹیننٹ جنرل ریٹائرڈ حبیب اللہ خان خٹک کی بیٹی شہناز سجاد احمد (جو لیفٹیننٹ جنرل ریٹائرڈ علی کلی – خان کی بہن اور سابق وفاقی وزیر گوہر ایوب خان کی بھابھی بھی ہیں)،لیفٹیننٹ جنرل ریٹائرڈ محمد افضل مظفر کا بیٹا محمد حسن مظفر،لیفٹیننٹ جنرل ریٹائرڈ خالد مقبول کے داماد احسن لطیف،لیفٹیننٹ جنرل ریٹائرڈ تنویر طاہر کی اہلیہ زہرہ تنویر شامل ہیں‌

پنڈورا پیپرز مین پاکستان کی کاروباری شخصیات نام بھی سامنے آئے ہیں جن میں‌ایگزیکٹ کے چیف ایگزیکٹو آفیسر شعیب شیخ،نیشنل بینک آف پاکستان کے صدر عارف عثمانی،نیشنل انویسٹمنٹ ٹرسٹ کے منیجنگ ڈائریکٹر عدنان آفریدی،پشاور زلمی کے مالک اور معروف صنعتکار جاوید آفریدی شامل ہیں‌

پینڈورا پیپرز میں پاکستان کے میڈیا ڈان کا بھی ذکر ہے ، ان میڈیا مالکان میں‌ جنگ گروپ کے پبلشر میر شکیل الرحمن،ڈان میڈیا گروپ کے چیف ایگزیکٹو آفیسر حمید ہارون،ایکسپریس میڈیا گروپ کے پبلشر سلطان احمد لاکھانی،پاکستان ٹوڈے کے پبلشر (مرحوم) عارف نظامی اور گورمے گروپ جن کی زیر ملکیت جی این این ٹی وی بھی ہے

تیسری فہرست میں کچھ اور بھی نام ہیں مگرفی الحال اہم اور بڑے ناموں کا ذکرضروری ہے