پاکستان کی قسمت کا فیصلہ:ایف اے ٹی ایف نے آئندہ سال تک لٹکا کرپاکستان کوگروی رکھ لیا

پیرس :پاکستان کی قسمت کا فیصلہ:ایف اے ٹی ایف نے آئندہ سال تک لٹکا کرپاکستان کوگروی رکھ لیا،اطلاعات کےمطابق ایف اے ٹی ایف کا تین روزہ اجلاس آج سے 31 اکتوبر تک پیرس میں ہوگا جس میں پاکستان کی جانب سے ٹیرر فنانسنگ سمیت کارکردگی کا جائزہ پیش کیا جائے گا۔

پاکستانی اسٹیٹس میں تبدیلی سے متعلق فنانسل ایکشن ٹاسک (ایف اے ٹی ایف) فورس فرانسیسی دارالحکومت پیرس میں منعقد ہونے والے تین روزہ اجلاس میں اپنی کارکردگی کی جائزہ رپورٹ پیش کرے گا۔

ذرائع کا کہنا ہے کہ پاکستان اسٹیٹس میں تبدیلی کا فیصلہ اپریل 2022 تک کئے جانے کا امکان ہے لیکن اس سے قبل فیٹف پاکستان کے زمینی حقائق اور قانون سازی پر عمل درآمد کا جائزہ لے گا اس کے بعد فیصلہ کیا جائے گا کہ پاکستان کو گرے لسٹ سے نکالنا ہے یا نہیں۔

ذرائع کا کہنا ہے کہ پاکستان نے فیٹف کے 27 نکاتی ایکشن پلان پر اب تک 26 پر نکات پر عمل کیا ہے جب کہ اے پی جی کی چالیس میں سے پینتس سفارشات پر بھی عمل کیا ہے

یاد رہے کہ اس سال فروری میں فنانشل ایکشن ٹاسک فورس (ایف اے ٹی ایف) نے پاکستان کو رواں سال جون تک گرے لسٹ میں ہی برقرار رکھنے کا فیصلہ کیا تھا۔

تفصیلات کے مطابق ایف اےٹی ایف نے پاکستان کوبقیہ 3 نکات پر عمل کرنےکے لیے4 ماہ کی مہلت دی تھی ۔ایف اے ٹی ایف کے مطابق پاکستان نے27 میں سے 24 نکات پر عمل درآمد کرلیا ہے، جون تک پاکستان تمام 27 نکات پر عمل درآمد کرے۔

فنانشل ایکشن ٹاسک فورس کا کہنا تھا کہ ٹیرر فنانسنگ کےضمن میں خامیاں پائی گئی ہیں۔صدر ایف اے ٹی ایف ڈاکٹر مارکس پلیئر نے نیوز کانفرنس کرتے ہوئے کہا کہ پاکستان نے اچھی پیش رفت کی ہے، ٹیرر فنانسنگ کےضمن میں خامیاں پائی گئی ہیں۔

ڈاکٹر مارکس کا کہنا تھا کہ پاکستان نے اعلیٰ سطح پر ایکشن پلان پر عمل درآمد کی یقین دہانی کرائی ہے، اس وقت پاکستان کو بلیک لسٹ میں نہیں ڈالا جاسکتا۔ان کا کہنا تھا کہ 4 ماہ بعد پاکستان کی جانب سے ایکشن پلان پر عمل درآمد کی تصدیق کریں گے، دیکھیں گے کہ پاکستان کی جانب سے ایکشن پلان پر عمل درآمد کتنا پائیدار ہے