اسلام آباد:وزیراعظم عمران خان محمد بن سلمان کے خصوصی مہمان :کپتان کی آمد کی تفصیلات جاری کردیں اطلاعات کے مطابق بالآخرکپتان محمد بن سلمان کی بار بار دعوت پرراضی ہوگئے ہیں اوراگلے چند گھنٹوں میں سعودی عرب کےلیے روانہ ہونے والے ہیں ، ادھر سعودی عرب نے اپنے خاص مہمان وزیراعظم عمران خان کے دورہ سعودی عرب کا شیڈول جاری کر دیا گیا۔
اس حوالے سے یہ بھی معلوم ہوا ہے کہ وزیر اعظم آفس نےدورہ سعودی عرب کاشیڈول پیش کیا جا چکا ہے ۔ وزیراعظم 23 سے 25 اکتوبر تک سعودی عرب کا تین روزہ دورہ کریں گے
سعودی عرب میں کپتان کی مصروفیات کے حوالے سے یہ بھی سامنےآیا ہے کہ وزیراعظم مڈل ایسٹ گرین انیشیٹیوسمٹ کی افتتاحی تقریب میں شریک ہوں گے۔ وزیرخارجہ اور دیگر وزراء سمیت اعلیٰ سطح کاوفدبھی سعودی عرب ساتھ جارہا ہے
ادھر اس حوالے سے ترجمان دفترخارجہ کا کہنا تھا کہ وزیرخارجہ شاہ محمود قریشی اور کابینہ ارکان سمیت اعلیٰ سطح وفد وزیراعظم کے ہمراہ ہوگا، دورے کے دوران وزیراعظم انیشیٹو مشرق وسطیٰ کانفرنس میں شرکت کریں گے.
ترجمان دفتر خارجہ نے کہا کہ وزیراعظم عمران خان سعودی قیادت سےبھی ملاقاتیں کریں گے، ملاقاتوں میں دونوں ممالک سمیت خطےکی صورتحال پرتبادلہ خیال ہوگا جبکہ وزیراعظم پاکستان میں سرمایہ کاری کیلئےبزنس کمیونٹی سے بھی ملاقات کریں گے اور پاکستان میں سرمایہ کاری کے حوالے سے ترغیب بھی دیں گے
وزیراعظم عمران خان کے دورہ سعودی عرب سے پہلے معاون خصوصی علامہ طاہرمحموداشرفی لاہور سے سعودی عرب روانہ ہوگئے ، اس موقع پر انھوں نے کہا کہ پاکستان اورسعودی عرب کے تعلقات لازوال ہیں ، گرین پاکستان گرین مشرق وسطیٰ و سعودی عرب منصوبہ دنیاکیلئےتحفہ ہے.
