ٹی ٹوئنٹی ورلڈ کپ اور پاکستان

پاکستانی ٹیم اب تک ٹی ٹوئنٹی کے عالمی مقابلوں میں 34 میچ کھیل چکی ہے ان میں سے 19 جیتے اور 14 میں شکست ہوئی۔

باغی ٹی وی : تفصیلات کے مطابق پاکستان نے اب تک 6 ورلڈ ٹی ٹوئنٹی کھیلے ہیں جن میں 2009 میں ہونے والے دوسرے ورلڈ ٹی ٹوئنٹی میں کپتان یونس خان کی قیادت میں کامیابی حاصل کی 2007 میں پہلے ورلڈ ٹی ٹوئنٹی میں پاکستانی ٹیم رنرز اپ رہی، بھارت نے ٹائٹل جیتاتھا۔

پہلے ورلڈ ٹی ٹوئنٹی میں شعیب ملک نے ٹیم کی قیادت کی 2009 میں یونس خان اور2010 اور 2016 کے ورلڈ ٹی ٹوئنٹی میں شاہد آفریدی نے ٹیم کی قیادت کی جبکہ 2012 اور 2014 کے ٹی ٹوئنٹی ورلڈ کپس میں قیادت محمد حفیظ نے کی –

اگر کھلاڑیوں کی پرفارمنس کی بات کی جائے تو شاہد آفریدی سب سے زیادہ 5 بار صفر پر آؤٹ ہوئے ہیں شعیب ملک بیٹسمین کے ساتھ بہترین فیلڈر بھی، سب سے زیادہ 12 کیچز لیے سب سے زیادہ 39 وکٹیں بھی شاہد آفریدی نے ہی حاصل کیں اور سب سے زیادہ 21 چھکے لگا رکھے ہیں-

پاکستان جیت سکتا ہے:ساروگنگولی:-بھارتی ٹیم فیورٹ، ٹی 20 میں کچھ بھی ہوسکتا…

شعیب ملک سب سے کامیاب بیٹسمین ہیں، انہوں نے 27 اننگز میں 546 رنز بنا رکھے ہیں کامران اکمل نے سب سے زیادہ 50 چوکے اور شاہد آفریدی نے پاکستان کی طرف سے ٹی ٹوئنٹی ورلڈ کپ کی پہلی اور واحد سنچری احمد شہزاد نے بنا رکھی ہے جبکہ سب سے بڑی 111 رنز کی انفرادی اننگز بھی ان کے نام ہے۔

ایک میچ میں سب سے زیادہ 5 چھکے عمران نذیر نے لگائے عمر گل نے ایک اننگز میں سب سے زیادہ 5 وکٹیں حاصل کیں ایک ورلڈ ٹی ٹوینٹی میں سب سے زیادہ 223 رن سلمان بٹ بنائے پاکستان کا کسی ایک میچ میں کم ترین مجموعہ 82 رن ویسٹ انڈیز کے خلاف ہے جب کہ سب سے زیادہ 201 رنز بنگلہ دیش کے خلاف بنائے۔

ٹی ٹوئنٹی ورلڈ کپ: نمیبیا، آئرلینڈ کو ہراکر سپر 12 میں داخل ہوگیا

واضح رہے کہ آئی سی سی ٹی ٹوئنٹی ورلڈ کپ 2021 کا ساتواں ایڈیشن متحدہ عرب امارات اور عمان میں جاری ہے جہاں ایونٹ کا سب سے بڑا پاک بھارت ٹاکرا 24 اکتوبر بروز اتوار کو پاکستانی وقت کے مطابق شام 7 بجے کھیلا جائے گا۔

کپتان قومی کرکٹ ٹیم نے 24اکتوبر کو پاک بھارت بڑے ٹاکرے سے متعلق بات کرتے ہوئے کہا کہ پاکستانی ٹیم کے سینئر کھلاڑی کئی سال بھارت کے خلاف کھیلتے رہے ہیں، بھارتی ٹیم فیورٹ ہے لیکن ٹی 20 میں کچھ بھی ہوسکتا ہے جبکہ امارات کے کنڈیشن سے ہم واقف ہیں جو ہمیں سوٹ کرتا ہے۔