مرید کےمیں ٹی ایل پی کےجانبحق ہونے والے کارکنوں کی نماز جنازہ ادا کردی گئی

اسلام آبادم: مرید کے میں ٹی ایل پی کے جانبحق ہونے والے کارکنوں کی نماز جنازہ ادا کردی گئی ،اطلاعات کے مطابق مرید کے میں کالعدم ٹی ایل پی کے جانبحق ہونےوالے کارکنوں کی نماز جنازہ ادا کردی گئی ہے

اس حوالے سے یہ معلوم ہوا ہے کہ یہ نمازجنازہ مین روڈ پرجہاں کاررواں نے پڑاو ڈالا ہے وہاں ادا کی گئی ہے

ادھروفاقی وزیرداخلہ شیخ رشید نے کہا ہے کہ کالعدم جماعت سے آٹھ گھنٹے تک طویل مذاکرات ہوئے جو کامیاب ہو گئے ہیں، منگل بدھ تک کالعدم جماعت کے خلاف کیسز واپس لے لیں گے۔

وزیر داخلہ شیخ رشید کا کہنا تھا کہ حکومت اور کالعدم تنظیم کے درمیان مذاکرات کی کامیابی کے بعد گرفتار افراد کو رہا کر دیا جائے گا، شیڈول فورتھ پر بھی نظرثانی ہوگی، فرانسیسی سفیر کا معاملہ پارلیمنٹ میں لے کرجائیں گے، انتظامیہ کو جی ٹی روڈ سے کنٹینر ہٹا نے کی ہدایت کی ہے۔ طے پایا ہے منگل کی شام تک یہ لوگ مریدکے میں رہیں گے۔

ادھر کالعدم جماعت کے ممکنہ احتجاج کے باعث جڑواں شہروں کا زمینی رابطہ منقطع ہونے سے شہریوں کو مشکلات کا سامنا ہے۔ مری روڈ ، میرٹھ، چوک، راول روڈ ،چاندنی چوک سمیت اہم شاہراہوں کو کنٹینر لگا کر بند کر دیا گیا ہے میٹرو بس سروس کو بھی صدر سے فیض آباد تک بند کردیا گیا ہے ۔

کالعدم جماعت کے کارکنوں کی پیش قدمی کے باعث کالا شاہ کاکو، مرید کے ، کامونکی ، گوجرانوالہ اور گجرات میں موبائل سروس بند رکھنے کا فیصلہ کیا گیا، وزارت داخلہ کے مطابق موبائل فون سروس جی ٹی روڈ سے 5کلو میٹر کی حدود تک معطل رہے گی۔

احتجاج کو غیر موثر کرنے کے لیے گوجرانوالہ میں جی ٹی روڈ ٹول پلازہ کے قریب 12فٹ چوڑی اور 12فٹ گہری خندقیں کھود دی گئیں۔ لاہور میں تین روز بعد زندگی رواں دواں ہو گئی ، احتجاج کے باعث بند کی گئی سڑکیں کھل گئی

وفاقی وزیرداخلہ شیخ رشید‏ نے کہا کہ تصادم کے حق میں نہیں ہیں صوبائی وزیر داخلہ نہیں ہوں حکومت کا کام ہے کہ لچک رکھے کوشش کرنی چاہیے کہ ملک کو بہتری کی جانب لےجائیں ریاست کا کام صلح کا راستہ اختیار کرنا ہےریاست کا کام ڈنڈاچلانا نہیں بلکہ بات چیت کرناہے راولپنڈی اسلام آباد کی انتظامیہ کو کہتا ہوں کہ سڑکوں سے کنٹینرز ہٹا دے رکاوٹیں صرف جی ٹی روڈ پر رکھیں گی-

پریس کانفرنس کرتےہوئے شیخ رشید کا کہنا تھا کہ راولپنڈی اسلام آباد کی جوائنٹ کمیٹی بنانا چاہتے ہیں میں اس کمیٹی کی صدارت نہیں کرنا چاہتا تھا مگر سعد رضوی صاحب سمیت دیگر کی خواہش پر کمیٹی کی صدارت کی ٹی ایل پی کو بین نہیں کیا وہ الیکشن لڑ رہئے ہیں، نا ہم سپریم کورٹ گئے-

میں سیاسی ورکر ہوں تمام جماعتوں سے مزاکرات کے لیے تیار ہوں اپوزیشن جمعہ جمعہ کھیل رہی ہے اب الیکشن کمپین شروع ہو چکی ہے سیاست دان کا کام ہے درمیانی راستہ نکالنا کوشش کریں گے مرید کے میں بیٹھے لوگ گھروں کو واپس جائیں دو لوگ ہمارے شہید ہوئے ہیں ہم جھگڑا آگے نہیں بڑھانا چاہتے ہیں-

راولپنڈی اور اسلام آباد میں آبادی کا سمندر ہے عالمی مہنگائی کی وجہ سے عام آدمی متاثر ہے میری ہمدردی عمران خان کے ساتھ ہے عمران خان کے ساتھ آیا ہوں اور اسی کے ساتھ جاوں گا امید ہے عمران خان پانچ سال پورا کریں گے-

‏شیخ رشید‏ نے کہا کہ پاکستان بھارت کا میچ آج تک مس نہیں کیا مگر پہلے پاکستان ہے اس لیے واپس آیا پوری قوم پورے جوش وخروش سے حریف انڈیا کے خلاف میچ کی منتظر ہے میں بھی گیا تھا مگر وزیراعظم کی ہدایات پر واپس آنا پڑا اس بار پاک بھارت میچ ٹی وی پر دیکھوں گا پہلی بار میچ نہیں دیکھ رہا جاوید میاں داد نے چھکا مارا تھا تب بھی میں وزیر تھا-

انہوں نے کہا کہ ایف اے ٹی ایف پر بھی ہماری کارکردگی بہتر رہی پاکستان کے اس وقت ڈی جی آئی ایس آئی جنرل فیض حمید صاحب ہیں پی ڈی ایم کیا فائد لے لے گی، نومبر دسمبر میں یہ تھوڑی ورزش کرتے ہیں-