دبئی :ٹی20 وررلڈ کپ 2021 میں پاکستان کے خلاف بھارت نے 20 اوورز میں 7 وکٹوں کے نقصان پر151 رنز بنا کرپاکستان کو جیتنے کےلیے 152 کا ہدف دیا ہے
اس سے پہلے بھارت کے ساتویں کھلاڑی پانڈے کوآوٹ کرنے سے پہلے شاہین شاہ آفریدی نے ویرات کوہلی کی اننگز کا بھی خاتمہ کردیا ہے۔
دبئی میں کھیلے جا رہے ٹی20 ورلڈ کپ کے اہم میچ میں پاکستان نے ٹاس جیت کر پہلے بھارت کو بیٹنگ کی دعوت دی ہے۔
بھارت نے اننگز کا آٖغاز کیا تو روہت شرما کھاتا کھولے بغیر پہلی گیند پر پویلین لوٹ گئے۔
اسکور ابھی چھ تک پہنچا ہی تھا کہ دوسرے اوپنر لوکیش راہل بھی شاہین کی گیند نہ سمجھ سکے اور کلین بولڈ ہو گئے۔
دو وکٹیں گرنے کے بعد ویرات کوہلی کا ساتھ دینے سوریا کمار یادیو آئے اور دونوں اب تک تیسری وکٹ کے لیے 25رنز جوڑ کر اسکور کو 31 تک پہنچایا۔
اس سے قبل کہ یہ شراکت خطرناک ثابت ہوتی، پاکستان نے چھٹے اوور میں حسن علی کو باؤلنگ پر متعارف کرایا جنہوں نے 11 رنز بنانے والے سوریا کمار یادیو کو چلتا کردیا۔
محمد حفیظ باؤلنگ کے لیے آئے تو پاکستان نے کیچ کی اپیل مسترد ہونے پر ریشابھ پنت کے خلاف ریویو لیا لیکن فیلڈامپائر کافیصلہ درست ثابت ہوا اور پاکستان کا ریویو ضائع ہو گیا۔
اننگز کے 12ویں اوور میں ریشابھ پنٹ نے جارحانہ انداز اپنایا اور حسن علی کو لگاتار دو چھکے لگانے سمیت اوور میں 15رنز بنائے لیکن اگلے ہی اوور میں شاداب خان کی گیند پر چھکا لگنے کی کوشش میں وہ اونچا شاٹ کھیل بیٹھے اور باؤلر نے اپنی ہی گیند پر کیچ لینے میں کوئی غلطی نہ کی۔
بھارت کے وکٹ کیپر بلے باز نے آؤٹ ہونے سے قبل 39 رنز کی اننگز کھیلی جبکہ دوسرے اینڈ سے کپتان ویرات کوہلی نے ذمے دارانہ بیٹنگ کا سلسلہ جاری رکھتے ہوئے نصف سنچری مکمل کر لی۔
رویندرا جدیجا نے 13 رنز کی اننگز کھیلی لیکن حسن علی کو چھکا لگانے کی کوشش میں متبادل کھلاڑی کو کیچ دے بیٹھے۔
شاہین شاہ آفریدی نے عمدہ باؤلنگ کا سلسلہ جاری رکھا اور شاہین شاہ آفریدی نے بھارتی کپتان کوہلی کی اننگز کا خاتمہ کردیا، کوہلی نے 49 گیندوں پر 57 رنز بنائے۔
بھارت نے اب تک 20 اوورز میں 7 وکٹوں کے نقصان پر 151 رنز بنائے ہیں اور جیت کے لیے 152 کا ہدف دیا ہے
کرکٹ کے میدان میں دوایٹمی طاقتوں کا ٹاکرا: پاکستان کا بھارت کیخلاف ٹاس جیت کر فیلڈنگ کا فیصلہ،اطلاعات کے مطابق دبئی میں آج وہ میچ کھیلا جارہا ہے جس پرپاکستانیوں اور بھارت کی ہی نظریں نہیں بلکہ دنیا بھر کی نظریں لگی ہوئی ہیں ،
دبئی سے ذرائع کے مطابق ابھی تھوڑی دیرپہلے آئی سی سی مینز ٹی ٹوئنٹی ورلڈکپ کے سپر 12 مرحلے میں پاکستان نے بھارت کے خلاف ٹاس جیت کر فیلڈنگ کا فیصلہ کیا ہے۔
Babar Azam has won the toss and opted to field.
🇮🇳 or 🇵🇰, who are you backing? #T20WorldCup | #INDvPAK | https://t.co/UqPKN2ouME pic.twitter.com/ms1OlUnkSQ
— T20 World Cup (@T20WorldCup) October 24, 2021
دبئی میں کھیلے جارہے پاک بھارت ٹاکرے میں پاکستان کے کپتان بابر اعظم نے ٹاس جیت کر بھارت کو بیٹنگ کی دعوت دے دی۔
5-0 🔢
Will #Pakistan turn the tide in today's clash in Dubai? 🤔 #T20WorldCup #INDvPAK pic.twitter.com/tSqzpOpvUn
— ICC (@ICC) October 24, 2021
ادھر اس حوالے سے یہ بھی معلوم ہوا ہے کہ ٹاس کے موقع پر پاکستان کے کپتان بابر اعظم نے کہا کہ میچ میں ڈیو فیکٹر اثر انداز ہوگا اس لیے پہلے فیلڈنگ کا فیصلہ کیا ہے۔
پلیئنگ الیون میں بابر اعظم، محمد رضوان، فخر زمان، شعیب ملک، محمد حفیظ، عماد وسیم، حسن علی، شاداب خان، شاہین شاہ آفریدی، آصف علی اور حارث رؤف شامل ہیں۔
Leave a reply
