![](https://baaghitv.com/wp-content/uploads/2021/10/61755fd7b957e.png)
اسلام آباد :فیصل آباد میں ن لیگ کےجلسے میں فوج کوگالیاں دی گئیں:جس نےاجازت دی اس نے شرارت کی:اطلاعات کے مطابق پاکستان کی اپوزیشن کے سربراہ ش لیگ کے رہنما اور ن لیگ کے صدر میاں شہباز شریف نے کہا ہے کہ فیصل آباد میں ن لیگ کے جلسے میں پاک فوج کوگالیاں دی گئیں
پاکستان مسلم لیگ (ن) کے صدر اور قومی اسمبلی میں قائد حزب اختلاف شہباز شریف نے کہا ہے کہ عوامی جلسوں میں فوج کے اداروں کے سربراہوں کے خلاف نعرے لگانا نہ صرف قومی مفاد کے خلاف ہے بلکہ اس کی اجازت نہیں دینی چاہیے۔اس موقع پر شہبازشریف نے نوازشریف کی طرف اشارہ کرتے ہوئے کہا کہ ان کواپنے کارکنوں کوپاک فوج کے خلاف گالیاں دینے اور نفرت پھیلانے پرنہیں اکسانا چاہیے تھا
لاہور میں میڈیا سے بات کرتے ہوئے صدرن لیگ میاں شہباز شریف نے کہا کہ ہم نے پنجاب کے دور دراز علاقوں میں یتیم اور غریب بچوں کے لیے دانش اسکول بنائے تھے۔
ان کا کہنا تھا کہ کیا صرف ایچیسن کالج میں امرا کے بچے تو جاسکتے لیکن ذہین اور محنتی یتیم بچوں کے لیے اس کے دروازے بند ہیں جبکہ میں نے دانش اسکول شروع کیا تو اشرافیہ کی طرف سے تنقید کے نشتر برسائے گئے۔
شہبازشریف نے کہا کہ ہم نے ایچیسن کالج کے ہم پلہ اعلیٰ ترین درسگاہیں بنائی ہیں، ہم ہیروز اور ایٹن غریبوں کے لیے بنائے اور غریب بچوں کے لیے دانش اسکول واحد چھت ہے اور ہمارے دور میں ان کے لیے کھانا، ادویات کا انتظام تھا اور یونیفارم ملتا تھا۔
صحافیوں کے سوالوں کا جواب دیتے ہوئے انہوں نے کہا کہ مہنگائی اس وقت پاکستان کا نمبر ون مسئلہ ہے اور اس کمر توڑ مہنگائی کے خلاف اپوزیشن کمربستہ ہوچکی ہے