پاکستان کرکٹ ٹیم کے کپتان بابر اعظم کا کہنا ہے کہ میچ کے پاور پلے میں توقعات کے مطابق رنز نہیں بنا سکے مگر اچھی شراکتوں کی وجہ سے بڑے اسکور کیلیے پْر امید تھے-
باغی ٹی وی : اسکاٹ لینڈ سے میچ میں فتح کے بعد گفتگو کرتے ہوئے پاکستانی کپتان بابر اعظم نے کہا کہ میچ کے پاور پلے میں توقعات کے مطابق رنز نہیں بنا سکے مگر اچھی شراکتوں کی وجہ سے بڑے اسکور کیلیے پْر امید تھے-
کپتان نے کہا کہ پہلے محمد حفیظ نے میرا اچھا ساتھ نبھایا اور بولرز کی کمزور گیندوں کا بھرپورفائدہ اٹھایا، اس کے بعد شعیب ملک نے اپنے تجربے کا مظاہرہ کرتے ہوئے ٹیم کی ضرورت کے مطابق اننگز کا بہترین انداز میں اختتام کیا،سینئر آل راؤنڈر ایسی ہی پرفارمنس کیلیے مشہور ہیں۔
پی سی بی نے بنگلہ دیش کے خلاف ٹی ٹوئنٹی سیریز کیلئے 18 رکنی سکواڈ کا اعلان کردیا
انہوں نے کہا کہ بطور کپتان میرے لیے سب سے زیادہ اطمینان بخش بات ٹیم کا ایک یونٹ بن کر کھیلنا ہے،سب ایک دوسرے کی صلاحیت کو جانتے اور اس پر اعتماد کرتے ہیں، ہر میچ میں کوئی نہ کھلاڑی چیلنج قبول کرتے ہوئے اچھی پرفارمنس میں کامیاب ہورہا ہے-
بابر اعظم نے کہا کہ کارکردگی میں تسلسل کی وجہ بھی یہی ہے، ابھی تک معیاری کرکٹ کھیلنے سے ہمارے اعتماد میں اضافہ ہوا ہے،آسٹریلیا کیخلاف سیمی فائنل میں بھی اسی کارکردگی کو دہرانے کیلیے پْرعزم ہیں۔
کپتان نے کہا کہ دبئی کرکٹ اسٹیڈیم کا ماحول شاندار ہے،سارا کراؤڈ جب آپ کی بھرپور حوصلہ افزائی کر رہا ہو تو پرفارمنس کیلئے جوش و خروش اور بھی زیادہ بڑھ جاتا ہے۔
Keep walking the walk. One step at a time. 🇵🇰 pic.twitter.com/dKsoS53nUc
— Babar Azam (@babarazam258) November 7, 2021
بعد ازاں سماجی رابطے کی ویب سائٹ ٹوئٹر پر اپنے پیغام میں بابر اعظم نے قومی ٹیم کی تصویر شیئر کرتے ہوئے لکھا کہ آگے بڑھتے رہیں، ایک وقت میں ایک قدم آگے-
– I dedicate today's "Man of the match" to all team members of Pakistan squad, come on guys we can do this, inshAllah! #5of5 #Cricket #Pakistan pic.twitter.com/rAjZESCmHb
— Shoaib Malik 🇵🇰 (@realshoaibmalik) November 7, 2021
شعیب ملک نے گذشتہ روز میچ کے بہترین کھلاڑی کا اعزاز پوری ٹیم کے نام کرتے ہوئے اپنے ٹوئٹ میں لکھا کہ میں آج کا "مین آف دی میچ” پاکستان اسکواڈ کے تمام ٹیم ممبران کو وقف کرتا ہوں، چلو لڑکوں، ہم یہ کر سکتے ہیں انشاء اللہ!
We will give everything in our capacity to keep the dream well and alive! #PakistanZindabad 🇵🇰🤲 pic.twitter.com/vjnEXmZlnn
— Shaheen Shah Afridi (@iShaheenAfridi) November 8, 2021
شاہین شاہ آفریدی نے پاکستان زندہ باد کے ہیش ٹیگ کے ساتھ لکھا کہ خواب کو زندہ رکھنے اور اسے پورا کرنے کے لیے ہم سے جو کچھ ہو سکا وہ کریں گے-
Alhumdolillah!!! It is honour to be part of the Team Pakistan. Remember us in your prayers. #T20WorldCup #Pakistan Zindabad #asifali pic.twitter.com/cmVRtJXm3N
— Asif Ali (@AasifAli45) November 7, 2021
آصف علی نے کہا کہ مجھے اس ٹیم کا حصہ ہونے پر فخر ہے، اپنی دعاؤں میں یاد رکھیں۔
