ممبئی: کترینہ کیف اوروکی کوشل کی شادی آج ہوگی دلہا اوردلہن نےتقریب میں آنے کے لئے گرینڈ انٹری کی تیاری کرلی۔
باغی ٹی وی : بالی وڈ اسٹارکترینہ کیف اوراداکار وکی کوشل کی شادی کے چرچے میڈیا اورسوشل میڈیا پرہیں اوربالآخرآج وہ دن آگیا جب دونوں شادی کے بندھن میں بندھ جائیں گے۔
بھارتی میڈیا کے مطابق کترینہ کیف خوبصورتی سے سجی روایتی ڈولی میں بیٹھ کر تقریب میں پہنچیں گی جبکہ وکی کوشل اپنی دلہنیا کولینے 7 سفید گھوڑوں کی بگھی میں آئیں گے۔
میڈیا رپورٹس کے مطابق وکی کوشل کی سہرا بندی کی تقریب دوپہر ایک بجے ہو گی تین بجے ہوٹل کے لون میں منڈپ سجایا جائے گا جوڑا جس منڈپ میں پھیرے لے گا، اسے خاص شیشے سے تیار کیا گیا ہے۔
کترینہ اور وکی کی شادی کے نشریاتی حقوق اسٹریمنگ ویب سائٹ کو 80 کروڑ میں فروخت
راجھستان کے شہر سوائی مادھوپور کے مشہورریزوٹ میں ہونے والی شادی کے تقریبات کا آغاز منگل کومہندی کی تقریب سے ہوا تھا اورگزشتہ رات ہلدی اورسنگیت کی تقریبات ہوئیں جس میں دونوں خاندانوں کے قریب رشتے دار اور بالی وڈ کے کئی فنکار شریک ہوئے۔
اداکار جوڑے کی شادی کیلئے جو مہمان راجستھان پہنچ چکے ہیں ان میں فلم ساز کبیر خان، گلوکار شنکر مدھاون، اداکار رنویر سنگھ، اداکارہ ملائیکا اروڑا، روینہ ٹنڈن اور نیہا دھوپیا سمیت کئی دیگر شوبز شخصیات شامل ہیں
دونوں اداکاروں کا استقبالیہ ممبئی کے تاج لینڈ میں 11 دسمبر کو منعقد کیا جائے گا۔
