سال 2021 گزر گیا،سانحہ ڈھرکی کے متاثرین کومعاوضہ نہ مل سکا
اسلام آباد(محمداویس ) سال 2021 ریلوے میں سانحہ ڈھرکی کی وجہ سے یاد رکھا جائے گا جس میں 70سے زائد مسافرجان بحق ہوگئے ،سانحہ ڈھرکی کے متاثرین کو آج تک معاوضہ ادا نہ ہوسکا
سی پیک منصوبے ایم ایل ون پر کام شروع نہ ہوسکا،استنبول تہران اسلام آباد فریٹ ٹرین چلائی گئی،ناروال کرتار پور تک ٹریک بحال کرنے پر کام شروع ہوا،سبی ہرانائی سیکشن اس سال بھی بحال نہ ہوسکا،وزیرریلوے کے اعلان کے باوجود نوشہرہ درگئی سیکشن بحال نہ ہوسکا،کراچی سے لاہور کے لیے کنٹینر فریٹ ٹرین سروس شروع کی گئی،نجی شعبہ کی عدم دلچسپی کی وجہ سے مسافر ٹرینیوں کی کمرشل مینجمنٹ پراکس کے حوالے کرنے کی منظوری دی گئی،غیرملکی سیاحوں کے لیے کئی سال بعد سٹیم سفاری ٹرین چلائی گئی، مسافر کوچز کی شدید کمی رہی کرونا کے بعد 142مسافرٹرینوں میں 92 بحال ہوسکیں ،وزیراعظم کی افتتاح اوران کے حلقے کی مسافرٹرینیں تھل اورخوشحال ایکسپریس بھی بحال نہ ہوسکی ،14اگست اور6ستمبر پر آزادی ٹرین نہ چلائی جاسکی،8 سو ریلوے پیٹرولز کو نکالاگیا ریلوے میں حاضری کے لیے بائیو میٹرک نظام لگایا گیا،پہلی بار راولپنڈی میں کرپشن الزمات پرریلوے افسرکو گرفتار کرنے پر ملازمین نے قلم چھوڑ ہڑتال کی جس کے بعد افسر اور ملازم کو رہا گیا تھا ،مسافر ریل گاڑیوں کے کرایوں میں 10فیصد اضافہ کیا گیا
باغی ٹی وی کو ملنے والی رپورٹ کے مطابق گذشتہ سال 2021 ریلوے کی تاریخ میں ایک بڑے حادثہ کے ساتھ ختم ہوگیا 7 جون 2021 کوسانحہ ڈھرکی میں 70افراد جان بحق اور سو سے زائد زخمی ہوئے ریلوے حکام کی نااہلی کی وجہ سے جان بحق ہونے والوں کے لواحقین اورزخمیوں کومعاوضہ نہیں مل سکا،یہ حادثہ صوبہ سندھ میں گھوٹکی کے قریب سرسید ایکسپریس اور ملت ایکسپریس کے درمیان ہواجب ملت ایکسپریس کو بوگیاں دی ریل ہوکر ڈاون ٹریک پر آگئیں اور دوسری سمیت سے آنے والی سرسید ایکسپریس ان بوگیوں سے ٹکرا گئی۔ریلوے کے خسارے سے نہ نکالاجاسکا، ایم ایل ون پرکام شروع نہیں ہوسکا،استنبول تہران اسلام آباد فریٹ ترین چلانے میں ریلوے کامیاب ہوئی ،ریل کرایوں میں10 فیصد اضافہ کیاگیا،آوٹ سورس کی گئی مسافرٹرینوں کی نجی کمپنیاں مسافروں سے غیرقانونی طور پر زیادہ کرایہ وصول کرتی رہیں مگر ریلوے حکام کسی قسم کی کارروائی سے گریزاں رہے ۔مسافرٹرینوں کی کمرشل مینجمنٹ آوٹ سورس کرنے میں بری طرح ریلوے ناکام ہوئی جس کے بعد مسافر ٹرینوں کی کمرشل مینجمنٹ ریلوے کی اپنی کمپنی پراکس کودینے کی منظوری دی گئی ،رابطہ پروجیکٹ کامعائدہ ہوا جس کے تحت ان لائن ٹکٹنگ،سمیت مختلف سہولیات دینے کے لیے ایپ بنائی جائے گی۔مال برداری کاتمام کام ریلوے فریٹ کمپنی کے حوالے کردیاگیا۔کراچی سے روزانہ 11سے 12فریٹ ٹرینیںنکلتی ہیں ،کراچی سے لاہور کے لیے کنٹینرفریٹ ٹرین سروس شروع کی گئی،پراکس اورریل کوپ کے سی ای او کی تعیناتی کی گئی،
ریلوے کی تاریخ میں پہلی بار راولپنڈی دویژن نے گینگ مینوں کو سیفٹی شوز اوردستانہ فراہم کئے ،نوشہرہ درگئی ریلوے سیکشن وزیرریلوے کے اعلان کے باوجود بحال نہ ہوسکا،سبی ہرنائی ریلوے سیکشن بھی بحال نہ ہوسکا،سکھوں کے مذہبی مقام کرتار پورا کوریل لنک سے ملانے کے لیے ناروال سے چک امرو کے درمیان ریلوے لائن کوبحال کرنے پر کام شروع ہواجو کہ فروری 2022میں ناروال سے کرتارپورا تک ٹرین بحال کیا جائے گا جبکہ دوسرے فیز میں اس لائن کو بھارتی سرحد چک امرو تک بحال کیا جائے گا۔راوی ایکسپریس کوچلاکر جڑانوالہ شور کوٹ سیکشن کوفعال کیاگیا۔کروناوائرس سے پہلے 142 مسافر ٹرینیں چلتی تھیں مگر ابھی تک 92 مسافر ٹرینیں چلائی جارہی ہیںجبکہ سابقہ دورحکومت میں مسافرٹرینوں کی تعدادسو تھی وزیراعظم عمران خان کے حلقہ میانوالی کے لیے ان کی افتتاح کی گئی دومسافرٹرینیں جو راولپنڈی سے براستہ میانوالی ملتان اور کندیاں جاتی تھیں بحال نہ ہوسکیں اور نہ ہی اس روٹ پر کراچی جانے والی واحد ٹرین خوشخال خان خٹک ایکسپریس بحال ہوسکی ،سال 2021میں ریلو ے کو مسافرکوچز کی شدید کمی کاسامناہے جس کی وجہ سے منافع بحش ٹرینیں بھی بحال نہ ہوسکیں جس سے ریلوے میں مسافروں کی کمی ریکارڈ کی گئی،
ریلوے میں افسرشاہی ختم نہ ہوسکی ،
ن لیگ عورت مارچ کی حمایت کرے گی یا مخالفت،شاہد خاقان عباسی نے اعلان کر دیا
خلیل الرحمان قمر لاکھوں مولویوں سے آگے نکل گیا،خادم رضوی بھی بول پڑے، مزید کیا کہا؟
کراچی والوں کے لئے بڑی خوشخبری، کراچی سرکلرریلوے کے لیے ہوں گی 40 کوچز تیار
پرائیوٹ کمپنی نے غریب ریل مسافروں پر مہنگائی کا بم گرا دیا
باغی ٹی وی کی خبر پر ایکشن ،شیخ رشید نے ریلوے کرایوں میں اضافے کا نوٹس لے لیا
شیخ رشید نے اپوزیشن جلسوں میں دہشت گردی کا خدشہ ظاہر کر دیا
ٹرینوں کے کرایوں میں اضافے کی تحقیقات کیلئے کمیٹی تشکیل،شیخ رشید نے کیا بڑا اعلان
مفتی عزیز الرحمان کو دگنی سزا ملنی چاہئے، پاکستان کے معروف عالم دین کا مطالبہ
مفتی عزیزالرحمان ویڈیو سیکنڈل، پولیس نے مانگا مفتی کا مزید”جسمانی” ریمانڈ
مدرسہ ویڈیو سیکنڈل ،مفتی عزیز الرحمان کی عدالت پیشی، عدالت کا بڑا حکم
مدرسہ ویڈیو سیکنڈل،مفتی عزیز الرحمان کے بیٹوں کی درخواست ضمانت پر ہوئی سماعت
230مسافرکوچز ٹینڈرز کے باوجود ایک بھی نئی مسافرکوچ سسٹم میں شامل نہ ہوسکی ۔مسافرٹرینوں کا لیٹ ہونامعمول رہا ،14اگست اور6ستمبر پر آزادی ٹرین نہ چلائی جاسکی افسران کی معطلی اور تبادلے معمول سے زیادہ رہے لاہور میں وزیرریلوے اعظم سواتی کے دورے کے دوران مسافروں کوسٹیشن پر بیٹھنے کی سہولت نہ دینے پر ڈی ایس لاہور اوران کی پوری ٹیم کومعطل کیاگیا،ڈی ایس سکھر کوتبدیل کیاگیا دوڈی ایس پشاور تبدیل ہوئے ڈی ایس کراچی کوسیاسی جماعت کے رہنماکوریلوے گیسٹ ہائو س دینے اوراس کاوہاں پریس کانفرنس کی وجہ سے ہٹایاگیاکوئٹہ کے ڈی ایسز کوبھی تبدیل کیاگیا۔غیرملکی سیاحوں کے لیے راولپنڈی سے سٹیم سفاری ٹرین چلائی گئی ،پاکستان(پشاور) سے افغانستان (کابل مزارشریف )سے ہوتے ہوئے ازبکستان تک ریل لنک بنانے کے لیے تینوں ملکوں نے اتفاق کیا۔
