انڈر 19 ایشیا کپ کرکٹ ٹورنامنٹ بھارت نے 8 ویں بار اپنے نام کر لیا-
باغی ٹی وی : تفصیلات کے مطابق دبئی کے میدان میں کھیلے گئے ایونٹ کے فائنل میں بھارت نے سری لنکا کو شکست دے کر لگاتار تیسری بار اور مجموعی طور پر 8 ویں مرتبہ ٹرافی اپنے نام کرلی۔
بارش سے متاثرہ فائنل میں بھارت نےحریف سری لنکن ٹیم کو 9 وکٹوں سے شکست دی بارش کی وجہ سے سری لنکن اننگز کو 38 اوورز تک محدود کردیا گیا تھا، جس نے 9 وکٹوں پر 106 رنز بنائے۔
شاہد آفریدی اور شعیب اختر سمیت دنیا بھر کے ریٹائرڈ کھلاڑی کرکٹ میں واپسی کیلئے تیار
بعدازاں بھارت کو ڈک ورتھ لوئس میتھڈ کے تحت 32 اوورز میں 102 رنز کا ہدف ملا جو اُس نے ایک وکٹ کے نقصان پر 21 اعشاریہ 2 اوورز میں حاصل کرلیا۔
بھارت نے سیمی فائنل میں بنگلادیش اور سری لنکا نے پاکستان کو شکست دے کر فائنل میں جگہ پکی کی تھی۔انڈر 19 ایشیا کپ کی تاریخ میں سری لنکا نے پانچویں مرتبہ فائنل کھیلا ہے اور وہ ہر بار شکست سے دوچار ہوئی۔
واضح رہے کہ اب پاکستان ، بھارت ،بنگلا دیش،سری لنکا اور افغانستان سمیت دنیا بھر کے ریٹائرڈ کرکٹرز لیجنڈز لیگ کرکٹ کے ذریعے میدان میں ایکشن میں نظر آئیں گے گزشتہ سال دسمبر میں ریٹائرڈ بین الاقوامی کرکٹرز کی پیشہ ورانہ کرکٹ لیگ لیجنڈز نے ایشیا کی نمائندگی کرنے والے کرکٹرز کے نام کا اعلان کیا تھا لیجنڈز لیگ کرکٹ کے چیف ایگزیکٹیو آفیسر (سی ای او) رمن راہجا نے اپنے بیان میں کہا تھا کہ ایشیا کی نمائندگی کرنے والی ٹیم کو ایشیا لائن کا نام دیا گیا ہے-
فخر زمان نے بگ بیش لیگ میں برسبین ہیٹ کے ساتھ معاہدہ کر لیا
انہوں نے کہا تھا کہ ایشیا کو لائن (شیر) کا نام اس لیے دیا گیا ہے کیونکہ اس میں پاکستان کے سابق فاسٹ بولر شعیب اختر اور سری لنکا کے سابق کپتان سنتھ جے سوریا سمیت کئی لیجنڈز کھلاڑی شامل ہیں لیجنڈز لیگ کرکٹ جنوری 2022 میں عمان کے تین اسٹیڈیمز میں کھیلی جائے گی اس میں چار ٹیمیں شریک ہوں گی، جن میں سے دو کا تعلق بھارت سے ہو گا۔
