حوثی رہنما نےاپنے بچوں سمیت گھر کے 8 افراد کو موت کے گھاٹ اتار دیا

یمن:حوثی ملیشیا کے نگراں عہدے دار نے اپنے ہی گھر کے 8 افراد کو موت کے گھاٹ اتار دیا-

باغی ٹی وی : یمنی میڈیا کے مطابق یمن کے صوبے ذمار میں حوثی ملیشیا کے نگراں عہدے دار نے اپنے گھرانے کے 8 افراد کو موت کی نیند سلا دیا گیا۔ یہ واقعہ معبر شہر میں پیش آیا۔

حوثی باغیوں کو بڑا جھٹکا،یمن کو سعودی عرب سے ملانے والے شہر کا بڑا حصہ چھن گیا

رپورٹ کے مطابق مذکورہ علاقے میں حوثی ملیشیا کے مقرر کردہ ایک نگراں رہ نما "جمال عبدالملک ہاشم الكبسی” نے اتوار کے روز پراسرار حالات میں اپنے گھرانے کے آٹھ افراد کی زندگی کا خاتمہ کر دیا مرنے والوں میں الکبسی کی والدہ ، بیوی ، دو بیٹے ، دو بیٹیاں ، بھائی اور سوتیلی والدہ شامل ہے۔

سماجی کارکنان کا کہنا ہے کہ اس نوعیت کے جرائم کی وجوہات حوثی ملیشیا کے نگرانوں اور دیگر عناصر کا منشیات کا عادی ہونا ہے یہ مواد ملیشیا کی جانب سے ان افراد کو لڑائی کے محاذوں پر فراہم کیا جاتا ہے۔

اسرائیل اور امریکا کا دفاعی میزائل ’’ آئرن ڈوم سسٹم‘‘ کی تیاری پر اتفاق

ابھی تک یہ معلوم نہیں ہو سکا کہ الکبسی کے ساتھ کیا ہوا اسی طرح حوثیوں کے زیر قبضہ صوبے میں سیکورٹی حکام کی جانب سے کوئی وضاحت جاری نہیں ہوئی۔

واضح رہے کہ یمن میں عرب اتحاد نے حوثی باغیوں کے خلاف کارروائی کرتے ہوئے اہم ترین شہر حرض کا بڑا حصہ آزاد کرالیا ہے یمنی فوج کی جانب سے حوثی فورسز کو علاقے سے نکالنے کے لیے کارروائی کے ایک دن بعد یمنی شہریوں کو خبردار کیا گیا کہ وہ شمالی شہر حرد کی طرف جانے والی سڑکوں سے گریز کریں،یمن میں قانونی حیثیت کی بحالی کے لیے اتحاد یمنی فوج کی جانب سے اسٹریٹجک شہر کو ایران کی حمایت یافتہ حوثی ملیشیا سے آزاد کرانے کی کوششوں کی حمایت کر رہا ہے۔

یمن میں فوڈ ڈلیوری کے لیے گھوڑوں کا استعمال

یمن کی افواج کے ترجمان برگیڈیئر جنرل عبدو عبداللہ مجیلی کے مطابق یمن کی سرکاری افواج نے عرب اتحاد کی مدد سے شمالی صوبے حجہ کے شہر حرض کے آس پاس بڑے حصے کا قبضہ واپس حاصل کرلیا ہے اور اب وہ شہر کے مرکز کی طرف پیش قدمی کر رہے ہیں جمعہ کے روز یمنی افواج نے حرض کا محاصرہ کرکے حوثی باغیوں سے اہم حصوں کا قبضہ حاصل کیا تھا، اس میں ایک فوجی چھاؤنی بھی شامل تھی۔ محاصرے کے بعد یمنی افواج نے حوثی باغیوں سے ہتھیار ڈالنے کا کہا لیکن انہوں نے شہر میں بارودی سرنگیں بچھادیں جن کو ہٹانے کا کام کیا جا رہا ہے-

پیوٹن جانتے ہیں یوکرین پر حملہ بہت بڑی غلطی ہوگی،جوبائیڈن