منشیات برآمدگی کیس میں سندھ ہائی کورٹ نے ملزمان کی سزا کالعدم قراردی

کراچی :منشیات برآمدگی کیس میں سندھ ہائی کورٹ نے ملزمان کی سزا کالعدم قراردی،اطلاعات کے مطابق منشیات برآمدگی کیس میں عدالت نے ملزم ارقم صلاح الدین اور عزیز الرحمان کی سزا کالعدم قرار دے دی۔

تفصیلات کے مطابق ملزمان ارقم صلاح الدین اور عزیزالرحمان کو تھانہ نیو کراچی پولیس نے 2019 میں گرفتار کیا تھا۔پولیس کی جانب سے گرفتاری کے وقت ملزمان سے بڑی مقدار میں چرس برآمدگی کا دعوی کیا گیا تھا۔

انسدادِ دہشت منشیات عدالت نے ملزمان کو چار چار سال قید اور جرمانے کی سزا سنائی تھی۔

پولیس اور پراسیکیوشن ملزمان کے خلاف عدالت میں ٹھوس شواہد پیش کرنے میں ناکام رہی جس پر سندھ ہائیکورٹ نے منشیات برآمدگی کے جرم میں سزا کے خلاف ملزمان کی اپیل منظور کرتے ہوئے عدالت نے ملزم ارقم صلاح الدین اور عزیز الرحمان کی سزا کالعدم قراردی۔