![](https://baaghitv.com/wp-content/uploads/2022/05/Rana-Sana-Ullah.jpg)
وفاقی وزیر داخلہ رانا ثناء اللہ کا کہنا ہے کہ دعا کریں عمران خان کی گرفتاری کی اجازت مل جائے عمران خان کو 3 روز جیل میں رکھا جائے تو اس کی سیاست نکل جائے گی-
باغی ٹی وی : لاہور میں صحافیوں سے گفتگو کرتے ہوئے رانا ثناء اللہ کا کہنا تھا ان کی خواہش ہے کہ عمران خان کو اسی سیل میں رکھا جائے جہاں انہیں رکھا گیا تھا لیکن ایسے فیصلے اتحادی جماعتوں کے سربراہوں کے بغیر نہیں کیے جا سکتے عمران خان کو 3 روز جیل میں رکھا جائے تو اس کی سیاست نکل جائے گی۔
پنجاب اسمبلی کے اجلاس سے متعلق بات کرتے ہوئے رانا ثناء اللہ کا کہنا تھا پرویز الٰٗہی پہلے اپنے خلاف عدم اعتماد کی تحریک پر ووٹنگ پھر اجلاس بلائیں۔
پاکستان تحریک انصاف کی رہنما کی گرفتاری سے متعلق سوال پر وزیر داخلہ کا کہنا تھا شیریں مزاری کی گرفتاری میں حکومت کا یا کسی اور کا عمل دخل نہیں ہے۔
رانا ثناء اللہ نے کہا کہ بھنور سے نکالنے کے لیے ہمیں اور اداروں کو مزید زور لگانے کی ضرورت ہے، اتحادی جماعتیں ملک کو مشکل سے نا نکال سکیں تو کوئی حادثہ ہو جائے گا۔
ان اوچھے ہتھکنڈوں سے ہمارے حوصلے پست نہیں ہوں گے : علی حیدر زیدی
دوسری جانب پی ٹی آئی رہنما شفقت محمود نے رانا ثنااللہ کے عمران خان کو گرفتار کرنے سے متعلق بیان کی مذمت کی ہے،شفقت محمود نے کہا کہ رانا ثنا اللہ نے اگر ایسی حرکت کی تو پوری قوم سراپا احتجاج ہو گی،پی ٹی آئی کے کارکنان اور قوم عمران خان کے شانہ بشانہ کھڑے ہیں-
شفقت محمود نے کہا کہ رانا ثنا اللہ کے ہاتھ ماڈل ٹاون کے معصوم شہریوں کے خون سے رنگے ہوئے ہیں،امپورٹڈ حکومت عوام کی خدمت کی بجائے اپنے کیسز میں ریلیف کے چکر میں ہیں امپورٹڈ حکومت چاہتی ہے عدلیہ ان کے غیر قانونی اقدامات کا نوٹس نہ لے آئندہ الیکشن میں ان کو اپنی سیاسی اوقات کا اندازہ ہو جائے گا-