چیئرمین پاکستان تحریک انصاف (پی ٹی آئی) عمران خان کے چیف آف اسٹاف شہباز گل نے بشریٰ بی بی کی مبینہ آڈیو لیک کوجعلی قرار دیتے ہوئے کہا کہ بشریٰ بی بی کی آڈیو لیک گھریلو خواتین کو بدنام کرنے کے لیے چھوڑی گئی ہے۔
مخالفین کے خلاف غداری کا بیانیہ بنایا جائے، بشریٰ بی بی کی مبینہ آڈیو لیک
شہباز گل نے فرح گوگی کے پلاٹ اسکینڈلز پر نات کرتے ہوئےکہا کہ جو پلاٹ انہوں نے حاصل کیا، اُسے 80 کروڑ کا بتایا جارہا ہے۔ان کا کہنا تھا کہ پلاٹ تو سستا ہے، اُس کی قیمت 75 سے 85 لاکھ روپے ایکڑ ہے۔عمران خان کے چیف آف اسٹاف نے دوران پریس کانفرنس حکومت کے کئی ارکان پر غیر اخلاقی حملے بھی کیے اور ساتھ ہی حکومت سے فرمائش کردی کہ وہ اپوزیشن پر بھی اسی طرح کے غیر اخلاقی حملے کرے۔
کیابشریٰ بی بی کا سیاست سے واقعی تعلق نہیں؟آڈیولیک ہونےکےبعد ماضی کےکچھ حقائق آگئے
شہباز گل نے پنجاب حکومت کے وزراء کے الزامات کا جواب دینے کے بجائے اُن سے متعلق انتہائی غیر اخلاقی نوعیت کے ذاتی حملے کیے۔عمران خان کے چیف آف اسٹاف نے بشریٰ بی بی کی سہلیوں کا نام بھی لیا، انہوں نے ایک موقع پر سینئر صحافی فہد حسین کو دھمکی تک دے ڈالی ۔ شہباز گل کو خود بھی اندازہ تھا کہ اس قدر غیر اخلاقی باتوں پر خود اُن کی پارٹی کے اندر بھی تنقید ہوگی۔
فرح گوگی کو ریڈ وارنٹ کے ذریعے لائیں گے،صوبائی وزراء
انہوں نے پی ٹی آئی کی پڑھی لکھی قیادت سے معافی مانگی اور کہا کہ مجھے لوگ کہتے ہیں گل صاحب آپ امریکا میں پروفیسر ہیں۔آخر میں شہباز گل نے حکومت سے بھی فرمائش کی کہ خود ان پر بھی اسی نوعیت کی غیر اخلاقی تنقید کی جائے اور کہا کہ ’ ہمارے کپڑے بھی اتاریں.
