لاہور: لاہوریوں کے لیے پینے کے صاف پانی کی فراہمی کا نیا شاندار منصوبہ منظر عام پر آگیا ، اطلاعات کے مطابق اس سلسلے میں واسا جلد شہر میں زیر زمین پانی کو بچا کر نہری پانی کو پینے کے قابل بنانے کے لئے غیر ملکی فنڈنگ سے نہر پر فلٹریشن پلانٹس لگانے کا کام شروع کررہا ہے،
ذرائع کے مطابق اس سلسلے میں واسا شہر میں 596 ٹیوب ویلوں پر جاپانی گرانٹ اور اپنے وسائل کے ساتھ کلورینیشن کے عمل کو یقینی بنا رہا ہے، واسا کے ٹیوب ویلوں پر لگے خودکار کلورینیشن پلانٹ ایک منظم سسٹم کے تحت پانی میں کلورین کی مخصوص مقدار شامل کر کے پانی سے وائرس اور بیکٹیریا کی صفائی یقینی بنا رہے ہیں، جس کے لئے ہر سال کلورین کی خریداری کے لئے ایک خطیر رقم بھی خرچ کی جاتی ہے۔