اجزاء:
رہو مچھلی آدھا کلو
اجوائن 1 تولہ
گھی آدھا پاؤ
لہسن پیسٹ 2 جوئے
ادرک پیسٹ ایک چھوٹا ٹکڑا
گرم مصالحہ آدھا چمچ
بیسن 2 چمچ
نمک حسب ذائقہ
مرچ سرخ پسی حسب ذائقہ
بیسن ایک چھٹانک
میٹھا سوڈا ایک چٹکی
ترکیب:
مچھلی کو اچھی طرح نمک یا آٹے سے دھو لیں پھر اجوائن کو پیس کر سرکہ میں ملا کر مچھلی کے ٹکڑوں پر مل دیں اور ایک سے دو گھنٹوں کے لئے رکھ دیں پھر بیسن میں تمام مصالحے اور میٹھا سوڈا شامل کر کے اچھی طرح پکوڑوں کے مصالحے کی طرح پیسٹ بنا لیں اب کڑاہی میں تیل گرم کریں اور مچھلی کے ٹکڑوں کو بیسن کے آمیزے میں ڈبو کر تل لیں اور فرائی کریں جب مچھلی پکوڑوں کی طرح سرخ ہو جائے نکال لیں اور چٹنی یا کیچپ کے ساتھ سرو کریں
