سعودی حکومت نے مملکت کے سیاحتی ویزے سمیت تمام اقسام کے ویزوں پر عمرہ ادائیگی کی اجازت دے دی۔
باغی ٹی وی : گلف نیوز کی رپورٹ کے مطابق ایک سعودی عہدیدار نے کہا ہے کہ سعودی عرب کے سیاحتی ویزے سمیت ہر قسم کے ویزوں کے حاملین کو عمرے کی اجازت ہو گی۔
عمرہ زائرین کیلئے پی سی آر ٹیسٹ اور کورونا ویکسین رپورٹ پیش کرنے کی شرط ختم
سعودی وزارت حج و عمرہ کے انڈر سیکرٹری عبدالطہمان شمس نے کہا کہ کسی بھی قسم کے ویزے پر سعودی عرب آنے والا شخص عمر ادا کر سکتا ہے۔
انہوں نے سعودی ٹیلی ویژن الاخباریہ کو بتایا کہ مملکت سے باہر سے آنے والے زائرین کو عمرہ کی ادائیگی کے لیے ایپ کے ذریعے اپائنٹمنٹ بُک کرنا ہوگی۔
سعودی وزارت حج عمرہ نے عمرہ اپوائنٹمنٹ کی بکنگ کے لیے تین مراحل طے کیے ہیں، پہلا مملکت میں داخلے کا ویزا حاصل کرنا، دوسرا رجسٹریشن کے وقت اس کی میعاد کو یقینی بنانا اور تیسرا ایپلیکیشن پر اپوائنٹمنٹ بک کرنا۔
خانہ کعبہ کے اطراف سے حفاظتی رکاوٹیں ہٹا دی گئیں
عہدیدار نے کہا کہ اس فیصلے کا مقصد سعودی عرب کے 2030 کے وژن کو پورا کرنا ہے جس کا مقصد ہر سال 3 کروڑ عمرہ زائرین عمرہ زائرین کا ہدف رکھا گیا ہے-
سعودی 2030 ویژن ایک پرجوش ترقیاتی منصوبہ ہے جو مملکت کی تیل پر منحصر معیشت کو متنوع بنانے کے لیے ڈیزائن کیا گیا ہے سعودی عرب میں سالانہ مناسک حج کے اختتام کے فوراً بعد نیا عمرہ سیزن 30 جولائی کو شروع ہوا۔
سعودی حکام کے مطابق نئے سیزن میں ایک کروڑ سے زائد عمرہ زائرین کی آمد متوقع ہے۔
