شہباز گل کے ڈرائیور کی اہلیہ کی ضمانت منظور کرلی گئی
![](https://baaghitv.com/wp-content/uploads/2022/08/driver.jpg)
رہنما تحریک انصاف ڈاکٹر شہباز گل کے ڈرائیور کی اہلیہ کی ضمانت منظور ہو گئی ہے، جوڈیشل مجسٹریٹ سلمان بدر نے 30 ہزار روپے مچلکوں پر ضمانت منظور کی ہے۔
یاد رہے گزشتہ روز شہباز گل کے ڈرائیور کی اہلیہ کو اسلام آباد پولیس نے حراست میں لے لیا تھا، انہیں ڈسٹرکٹ اینڈ سیشن جج کے سامنے پیش کیا گیا لیکن ان کی ضمانت نہ ہوئی، خاتون اور ان کی دس ماہ کی بچی کو رات جیل میں گزارنی پڑی۔
رہنما پی ٹی آئی کنول شوزب نے میڈیا سے گفتگو کرتے ہوئے کہا کہ اللہ کا شکر ہے خاتوں کی بیل ہو چکی ہے، کل ہمیں اس سے ملنے بھی نہیں دیا گیا، گیارہ ماہ کی بچی کی ماں کا کوئی جرم نہیں تھا، یہ پاکستان میں ایک نئی تاریخ رقم کی گئی ہے۔
شہباز گل کی پیشی کے بعد عدالت کے سامنے سائرہ بی بی کی ضمانت کی درخواست پیش کی گئ جسے 30ہزار مچلکوں کے عوض منظور کر لیا گیا ہے
الحمدللہ!
ایک رات جو مظلوم ماں اپنی معصوم بچی کیساتھ جیل میں رہی یہ ہم پر قرض رہا اور نظام
انصاف پر ایک سوالیہ نشان ؟؟#فاشٹ_حکومت_نامنظور— Kanwal Shauzab Ex-MNA (@KanwalMna) August 12, 2022
انہوں نے مزید کہا کہ ایک نہیں دو پاکستان ہیں، شہباز گل کی بہت دیر تک سماعت ہوئی، چیئر مین عمران خان کو قابو کرنے کیلئے دباو بڑھایا جا رہا ہے، اس ملک کی سالمیت کو داو پر مت لگائیں، پوری قوم کو اس قسم کے معاملات میں الجھا کر مہنگائی سے توجہ ہٹائی جا رہی ہے، حکومت کی کارکردگی پر ہماری پوری توجہ ہے، پوری دنیا میں پاکستانی پریشان ہیں۔