موٹروے پر ٹریفک حادثہ، صدر مملکت، وزیراعظم و دیگر کا اظہار افسوس

ملتان: موٹروے ایم 5 پر جلالپور پیروالہ کے قریب لاہور سے کراچی آنے والی سلیپر بس میں ٹینکر سے تصادم کے بعد آگ لگ گئی بس میں کل 24 مسافرسوار تھے جن میں سے 2 مسافروں نے حیدرآباد اترنا تھا جبکہ 22 مسافروں نے کراچی جانا تھا۔

باغی ٹی وی : موٹروے حکام کے مطابق ملتان سکھر موٹروے پر ڈائیو سلیپر بس تیز رفتاری کے دوران ایک آئل ٹینکر سے ٹکرا گئی۔ ترجمان موٹروے پولیس کے مطابق تصادم کے نتیجے میں آئل ٹینکر اور بس کو آگ لگ گئی –

حادثے کی اطلاع ملتے ہی موٹروے پولیس کے افسران فوری موقع پرپہنچ گئےمقامی پولیس اور ریسکیو 1122 کی ٹیمیں بھی موقع پر موجود تھی۔ آگ اس قدر شدید اور خوفناک تھی کہ دور سے دکھائی دے رہی تھی آخری اطلاعات تک حادثے میں کم از کم 20 افراد جاں بحق جبکہ 6 افراد زخمی ہوئے،حادثے کے مقام پر موٹروے ایم 5 کئی گھنٹے بند رہی۔

جلال پور پیر والا انٹر چینج کے قریب بس اور آئل ٹینکر میں تصادم۔ 20 افراد جاں بحق 6 افراد زخمی

ترجمان موٹروے کے مطابق جلتی ہوئی گاڑیوں سے بیشتر مسافروں کو زندہ نکالا گیا اور انہیں فوری طور پر قریبی اسپتالوں میں منتقل کیا گیا۔ امدادی ٹیموں کو آگ بجھانے میں کئی گھنٹے لگے پولیس نے ڈیڈ باڈیز اور زخمیوں کو نزدیک کے اسپتال پہنچایا موٹروے پولیس نے جلتی بس سے 9 مسافروں کو باحفاظت نکال لیا تھا بس میں 2 ڈرائیور سوار تھے تمام اسٹاف نے سکھر میں تبدیل ہونا تھا-

رپورٹس کے مطابق حادثے کا شکار ہونے والی بس 2009 ماڈل کی تھی جو ڈائیوو کمپنی کے تحت چلتی تھی۔ سلیپر بس لاہور سے کراچی کیلئے رات 9 بجے روانہ ہوئی۔

لاہور سے ڈائیوو بس سروس کمپنی ذرائع کے مطابق تین افراد انس، شاہد اور اشرف کے ٹکٹ ایک ساتھ بُک کرائے گئے تھے عدیل اور شاہد کے نام پر تین تین ٹکٹ بُک تھے جبکہ ایک مسافر شاہد یعقوب کے نام پر چار ٹکٹ بُک کرائے گئے۔ حاشر احمد، حسن اور عبدالنافع کے نام پر دو دو ٹکٹ بُک کرائے گئے اس کے علاوہ نوید اشرف، محمد عرفان، زاہد، محمد مدثر، محمداحمد اور ریاض کے نام پر بھی ایک ایک ٹکٹ بُک تھے-

سعودی عرب میں ٹریفک حادثےکےنتیجے میں 6 پاکستانی جاں بحق،2 زخمی

صدر مملکت ڈاکٹر عارف علوی نے جلال پور، موٹر وے ایم 5 پر ٹریفک حادثے میں قیمتی انسانی جانوں کے نقصان پر گہرے دکھ اور افسوس کا اظہار کیا ہے صدر مملکت نے اس المناک حادثے میں جاں بحق ہونے والے افراد کے بلند درجات کی دعا کرتے ہوئے متعلقہ حکام کو ہدایت کی کہ زخمیوں کو ہر ممکن طبی امداد فراہم کی جائے۔ صدر مملکت نے کہا کہ حفاظتی تدابیر پر عمل درآمد اور ٹریفک قوانین کی پاسداری ایسے حادثات سے بچنے کے لیے انتہائی اہم ہے۔ ایسے حادثات سے بچنے کے لیے موثر اقدامات کیے جانے چاہئیں، صدر نے زخمیوں کی صحتیابی کے لئے دعا کی۔ صدر مملکت نے حادثے میں جاں بحق ہونے والے افراد کے اہل خانہ سے تعزیت کی اور ان کے لیے صبر جمیل کی دعا بھی کی

وزیراعظم شہباز شریف نے کہا کہ جلال پور پیر والا انٹر چینج پر ہونے والا آئل ٹینکر کا حادثہ نہایت ہی افسوناک ہے ۔ حادثے میں 20 قیمتی جانوں کے ضیاع پر دکھی اور رنجیدہ ہوں۔ میری دعائیں غم زدہ خاندانوں کے ساتھ ہیں۔ اللہ تعالی سے دعا ہے کہ وہ مرحومین کو اپنے جوار رحمت میں جگہ دے اور پسماندگان کو صبر جمیل عطا فرمائے

وفاقی وزیر مواصلات اسعد محمود نے آئی جی موٹروے سے رپورٹ طلب کرلی وفاقی وزیر مواصلات اسعد محمود نے حادثے میں ہلاکتوں پر اظہار افسوس کیا،اور کہا کہ زخموں کی جلد صحتیابی کے لیے دعاگو ہوں،

وفاقی وزیر اطلاعات مریم اورنگزیب نے جلال پور پیر والا انٹرچینج کے قریب ٹریفک حادثے میں قیمتی جانی نقصان پر اظہار افسوس کیا ،وفاقی وزیر اطلاعات نے جاں بحق افراد کے اہل خانہ سے ہمدردی اور تعزیت کا اظہار کیا اور کہا کہ اس المناک حادثے پر ہر آنکھ اشک بار ہے، لواحقین کے دکھ میں برابر کے شریک ہیں،اللہ تعالیٰ حادثہ میں جاں بحق ہونے والے تمام افراد کے درجات بلند فرمائے، (آمین)، وفاقی وزیر اطلاعات نے حادثہ میں زخمی افراد کی جلد صحت یابی کیلئے بھی دعا کی

وزیر اعلی پنجاب چودھری پرویزالٰہی کا حادثے میں قیمتی انسانی جانوں کے ضیاع پر گہرے دکھ اور افسوس کا اظہارکیا ہے انہوں نے کہاہے کہ اس المناک حادثے پر ہر آنکھ اشکبار ہےاور پنجاب حکومت جاں بحق افراد کے لواحقین کے دکھ میں برابر کی شریک ہے-

وزیر اعلی پنجاب چودھری پرویزالٰہی نے کمشنر ملتان سے المناک واقعہ کے بارے میں رپورٹ طلب کر لی ،ہر پہلو سے انکوائری کرکے غفلت کے ذمہ داروں کا تعین کیا جائے.وزیر اعلی پنجاب چودھری پرویزالٰہی نے انتظامیہ کو ہدایت کی ہے کہ زخمی افراد کو علاج معالجے کی بہترین سہولتیں فراہم کی جائیں

بلوچستان: پنجگور میں ڈپٹی کمشنر کی رہائش گاہ پر حملہ