نوسر بازوں نے پارلیمنٹرینز کو بھی نہ چھوڑا وار کرتے ہوئے سینیٹر الیاس بلور کو نوسربازوں نے ٹھگ لیا ہے.
عوامی نیشنل پارٹی کے مرکزی رہنما اور سینیٹر الیاس بلور نوسربازوں کے ٹریپ میں آگئے۔ الیاس بلور نے بتایا کہ موبائل فون پر مجھے کال آئی اور کالر نے تھانہ کینٹ راولپنڈی کے اے ایس آئی شاہ کے نام سے اپنا تعارف کرایا۔
سینیٹر الیاس بلور نے کہا کہ اے ایس آئی نے بتایا کہ آپ کا بھانجا لڑکیوں کے ساتھ پکڑا گیا ہے، اے ایس آئی نے بھانجے سے میری بات کرائی جس نے کہا مجھے بچا لیں، مجھ سے مختلف موبائل نمبرز پر دس لاکھ 98 ہزار روپے طلب کیے گئے۔
سینیٹر الیاس بلور نے بتایا کہ میں نے تصدیق کیے بغیر مختلف نمبروں پر رقم بھجوا دی، بعد میں بھانجے سے رابطہ کیا تو اس نے بتایا وہ تو اپنی فیکٹری میں موجود ہے اور اس کے ساتھ ایسا کچھ بھی نہیں ہوا ہے.
پولیس نے الیاس بلور کے بیان کی روشنی میں فراڈ و ٹیلی گراف ایکٹ کے تحت نامعلوم افراد کیخلاف مقدمہ درج کرکے تفتیش شروع کردی۔
واضحرہے کہ گزشتہ دنوں آئی نائین کے شہری کوبھی لوٹا گیا تھا شہری فرحان نے بتایا کہ کیو مارکیٹنگ کے مالک ضیاء الحق نے سات ہزار یورو کا چیک ملازم کو کیش کروانے کیلئے دیا تھا جب وہ بنک سے نکلا تو اسے کسی نامعلوم نے کہا آپپ کے پیسے تو نہین گرے وہ یکدم حیران ہوگیا اس کے بعد نو سربازوں کے گروہ نے اس کولوٹ لیا. اس کیس کو پولیس نے درج کرکے تفتیش شروع کردی تھی.تاہم تاحاال کوئی سراغ نہین ملا ہے. دوسری جانب اسلام کے شہری نوسربازوں سے کافی پریشان ہیں اور ایک شہری نے باغی ٹی وی کو بتایا کہ پولیس اس معاملے میں ممل ناکام ہوچکی ہے اور جب کوئی ایسا واقع پیش آتا تو پولیس صرف رپورٹ درج کرتی ہے.
