وفاقی وزیر اطلاعات و نشریات مریم اورنگزیب نے کہا ہے کہ جو شخص حکومت کو ماننے کو تیار نہیں وہ الیکشن کیسے مان لیں گا.
وزیر اطلاعات و نشریات مریم اورنگزیب کا میڈیا سے گفتگو کرتے ہوئے کہناتھا کہ سابق وزیر اعظم عمران خان کے دور میں ماؤں بہنوںاور بیٹیوں کو گرفتار کیا گیا تھا لیکن اب اداروں میں بغاوت پیدا کرنے کے بیان پر شہباز گل کو پکڑا گیا تو یہ شیخ رہے ہیں حالانکہ خود مان بھی رہے کہ شہباز گل نے غلط بیان دیا ہے.
مریم اورنگزیب نے کہا کہ عمران خان ملک میں تماشہ لگانا بند کریں انہوں نے 22 سال غلط بیانی کر کے سیاست کی ہے، عمران خان سے جب بھی سوال پوچھا جائے وہ جواب نہیں دیتے۔
انہوں نے کہا کہ سابق وزیر اعظم نواز شریف کے خلاف سازشوں کا جال بچھایا گیا اور نواز شریف جانتے تھے کہ الزامات جھوٹے ہیں لیکن پھر بھی انہوں نے جواب دیا۔ انہیں سسلین مافیا اور گارڈ فادر کہا گیا اور بیٹے سے تنخواہ لینے پر 3 بار رہنے والے وزیر اعظم کو نکالا گیا۔
وفاقی وزیر نے کہا کہ عمران خان نے تو شہباز شریف کے خلاف کوئی ادارہ نہیں چھوڑا اور ان کے خلاف ایسٹ ریکوری یونٹ بنایا گیا۔ عمران خان سمجھتے ہیں ان کے گناہ معاف ہوجائیں گے۔
عمران خان پر الزام لگاتے ہوئے مریم اورنگزیب نے کہا کہ وہ اداروں سے کہتے ہیں میری کرسی بچایں اور مداخلت کریں۔ مریم نواز جھوٹے الزامات پر والد کو سرخرو کرنے جیل گئی تھیں۔
انہوں نے کہا کہ ڈاکٹرز نے شہباز گل کی میڈیکل رپورٹ پر کہا ہے کہ وہ فٹ ہیں اور قومی سلامتی کمیٹی نے 2 بار بیرونی سازش کو مسترد کیا۔ اداروں کا نیوٹرل ہونا آئینی تقاضا ہے اور جو شخص حکومت کو ماننے کو تیار نہیں وہ الیکشن کیسے مان لے گا۔ عمران خان نے تمام اداروں کو متنازعہ بنایا۔
وفاقی وزیر اطلاعات مریم اورنگزیب نے کہا کہ پاکستان تحریک انصاف (پی ٹی آئی) چیئرمین عمران خان 22 سال دوسروں پر انگلیاں اٹھاتے رہے اور انہوں نے گزشتہ روز سیمینار میں غیر مناسب باتیں کیں۔ عمران خان کہتے ہیں چیف الیکشن کمشنر کے بارے میں کسی نے ضمانت دی تھی تو عمران خان بتائیں آپ نے ضمانت کیوں لی تھی؟
