مردان میں باچا خان میڈیکل کالج کے ہاسٹل میں طالبہ کی لاش برآمد

پشاور:باچاخان میڈیکل کالج مردان کے ھاسٹل میں میڈیکل طالبہ کی پراسرار ہلاکت،سیدوشریف سوات سے تعلق رکھنے والی میڈیکل طالبہ کی لاش ھاسٹل کے کمرےکادروازہ توڑ کرنکالی گئی ، ابتداٸی پوسٹ مارٹم کے مطابق اکتیس سالہ طالبہ کی موت زہرخوانی سے ہوئی،

مردان سے ذرائع کے مطابق جانبحق ہونے والی طالبہ کے بازو پر نشہ آور انجکشن کے نشانات بھی دیکھے گئے ہین ، ادھراس سلسلے میں تحقیقاتی اداروں نے دو موباٸل سیٹس سمیت اھم ثبوت قبضے میں لے لیےہیں ،یہ بھی بتایا جارہا ہے کہ طالبہ کی ہلاکت کی تھانہ شیخ ملتون میں رپورٹ درج کروا دی گئی ہے ۔

مقامی ذرائع کے مطابق گزشتہ روز باچاخان میڈیکل کالج مردان کےھاسٹل کےکمرے کادروازہ توڑکرفورتھ سمسٹر کی میڈیکل کی طالبہ باچاصحت ولدمحمدیعقوب سکنہ سیدوشریف سوات کی لاش برآمد کردی گٸی،

تھانہ شیخ ملتون پولیس نے لاش ضروری پوسٹ مارٹم کیلٸے ایم ایم سی ھسپتال منتقل کردیاگیا جہاں پرپوسٹ مارٹم کے بعدلاش لواحقین کے حوالہ کردی گٸی،ابتداٸی پوسٹ مارٹم رپورٹ کے مطابق طالبہ کے بازوں پر نشہ آور انجکشن کے نشانات ہیں اورموت کی وجہ بظاہرنشہ آورانجکشن کی اوور ڈوز ھونے کی وجہ بھی ہوسکتی ہے،تاہم لاش کے مختلف اعضاء لیبارٹری بھیج دیٸے گٸے،

ادھر باچاخان میڈیکل کالج مردان کے ڈین پروفیسر ڈاکٹرمحمدعباس نے موقف ظاہر کیا کہ فورتھ سمسٹر کی میڈیکل کی طالبہ باچاصحت کی دو رومیٹ طالبات ھاسٹل سے گھر گٸی تھی جبکہ زیربحث میڈیکل طالبہ ھاسٹل کے کمرے میں اکیلی تھی جس کے کمرے کادروازہ صبح نہ کھولنے پر تھوڑ کر اس کی لاش برآمد کردی گٸی،انہوں نے واضح کیا کہ تحقیقات کے بعد اصل صورتحال سامنے آجاٸےگی۔