شفاف حق رائے دہی کی ریاستی اورآئینی ذمہ داری کی ادائیگی کے لیے بروقت انتظامات کو یقینی بنایا جائے گا،ضلعی انتظامیہ کے افسران سکیورٹی ٹرانسپورٹ اور الیکشن کے انتظامات کی لاگت پر مبنی رپورٹ کو جلد از جلد حتمی شکل دیں ڈپٹی کمشنر ننکانہ احمر نائیک
باغی ٹی وی – ننکانہ صاحب ( احسان اللہ ایاز کی رپورٹ) منصفانہ اور شفاف انتخابات جمہوریت کی بنیادی روح ہیں شفاف حق رائے دہی کی ریاستی اورآئینی ذمہ داری کی ادائیگی کے لیے بروقت انتظامات کو یقینی بنایا جائے گا۔ڈپٹی کمشنر ننکانہ صاحب نے ان خیالات کا اظہار قومی اسمبلی کے حلقہ 118میں ہونے والے ضمنی انتخابات کے انتظامات پر پیشرفت کے حوالے سے اجلاس کی صدارت کرتے ہوئے کیا۔منعقدہ اجلاس میں ایڈیشنل ڈپٹی کمشنر فنانس اینڈ پلاننگ رانا امجد علی،محکمہ پولیس سمیت دیگر محکمہ جا ت کے افسران نے شرکت کی۔اجلاس میں موجود افسران کی جانب سے ڈپٹی کمشنر احمر نائیک کو ضمنی الیکشن کے حوالے سے انتظامات پر ہونے والی پیش رفت سے آگاہ کیا۔ ڈپٹی کمشنر احمر نائیک نے اس موقع ہدایات دیتے ہوئے کہا کہ ضلعی انتظامیہ کے افسران سکیورٹی ٹرانسپورٹ اورالیکشن کے انتظامات کی لاگت پر مبنی رپورٹ کو جلد از جلد حتمی شکل دیں تاالیکشن کے حوالے سے حتمی انتظامات کو بروقت مکمل کیا جاسکے
Leave a reply
