ٹانک: وزیراعظم شہبازشریف کے ہاوسنگ منصوبے سے تعلق رکھنے والا عملہ اغوا کرلیاگیا ، کہا جارہا ہے کہ ٹانک میں وزیراعظم شہباز شریف کے اعلان کردہ 100 گھروں کے منصوبے پر کام کرنے والا عملہ کام میں مصروف تھا کہ یہ واقعہ ہوگیا
ٹانک میں اغوا کے اس معاملے کے متعلق ڈسٹرکٹ پولیس آفیسر (ڈی پی او) ضلع ٹانک وقار احمد خان کے مطابق نواحی علاقہ کوڑ قلعہ میں وزیراعظم ہاؤسنگ سوسائٹی کے سپروائزر، جنرل منیجر اور اکاؤنٹنٹ کو ٹانک آتے ہوئے ٹانک وانا مرکزی شاہراہ سے اغوا کیا گیا۔
ڈی پی او نے بتایا کہ مغویوں میں اسحاق شاہ، حسن اور نوید شامل ہیں جبکہ مغویوں کے زیر استعمال گاڑی چیسن کچ گاؤں کے قریب سے برآمد کرلی گئی ہے۔ان کا کہنا تھاکہ عملے کی بازیابی کیلئے علاقے میں بڑے پیمانے پر سرچ آپریشن شروع کردیاگیا ہے۔
خیال رہے کہ گزشتہ دنوں وزیراعظم شہباز شریف نے ٹانک کے نواحی علاقہ کوڑ قلعہ میں سیلاب متاثرین کیلئے 100 گھروں کی تعمیر کے منصوبے کا اعلان کیا تھا۔
ہیکرز نے دعوی کیا ہے کہ اب مزید آڈیو جمعہ کو جاری کی جائیں گی
عمران خان کا جھوٹا بیانیہ سب نے دیکھ لیا،آڈیو کے بعد بھی یوٹرن لے سکتے ہیں،عظمیٰ بخاری
عمران خان جھوٹے بیانیے پر سیاست کر رہے ہیں،
