نیشنل ٹرانسمیشن اینڈ ڈسپیچ کمپنی نے اربوں روپے کے میگا پروجیکٹس کی لوٹ سیل لگا دی۔
قومی وسائل کو بے دردی سے لٹانے کے معاہدے کی تفصیلات منظرعام پر آگئی ہیں جس کے مطابق نیشنل ٹرانسمیشن اینڈ ڈسپیچ کمپنی نےاربوں کے اہم ترین منصوبوں کی لوٹ سیل لگادی۔ رپورٹ کے مطابق پی ٹی آئی سرکار کے تشکیل دیے گئے بورڈ آف ڈائریکٹرز نے تمام تر اعتراضات کے باوجود داسو مانسہرہ 765 کے وی ٹرانسمیشن لائن کا 57 ارب روپے کا ٹھیکا متنازع کمپنی کو دے دیا۔
پی ٹی آئی دور کے بورڈ آف ڈائریکٹرز نے متنازع ٹھیکے کی انتہائی جلد بازی میں منظوری دی۔ ڈیل کے مشکوک ہونے کی وجہ سے بورڈ آف ڈائریکٹرز کے کئی ارکان اجلاس سےغائب ہوگئے۔ گوپا نے اپنی ای میل میں واضح کیا کہ مذکورہ کمپنی نے قواعد کے خلاف فنانشل اسٹیٹمنٹ داخل کی، وزارت توانائی اور جرمن کنسلٹنٹ کمپنی نے کمپنی کی اہلیت پر سوالات اٹھائے، اور وزارت توانائی نے بھی غیرملکی کمپنی کی پری کوالیفیکیشن کو مسترد کردیا۔
دوسری جانب سیکرٹری کمپنی این ٹی ڈی سی اظہر سلیم کا کہنا ہے کہ بورڈ آف ڈائریکٹرز کے اجلاس میں منصوبے پر تفصیلی بحث ہوئی تھی، کنٹریکٹر پر اعتراضات کا بھی جائزہ لیا گیا تھا. اظہر سلیم کے مطابق ورلڈ بینک اور کنسلٹنٹ نے کنٹریکٹر پر اطمینان کا اظہار کیا تھا، تمام پہلوؤں کا جائزہ لینے کے بعد سائنوہائیڈرو کو ٹھیکا دیا گیا۔
مزید یہ بھی پڑھیں؛ ملالہ یوسف زئی دورہ سیلاب زدگان کیلئے بہت جلد پاکستان آرہی ہیں
وزیر گلگت بلتستان کرنل ریٹائرڈ عبیداللہ بیگ کو مسلح افراد نے اغوا کر لیا
پاکستان گرل گائیڈز ایسوسی ایشن 11 اکتوبر کو لڑکیوں کا عالمی دن منانے کو تیار
کام کی جگہ پر ہراسانی کا قانون؛ کیا واقعی اس ایکٹ پر عمل درآمد کیا جارہا
اسلام آباد موٹر وے ٹول پلازہ پر کار سےمنشیات برآمد. ترجمان اے این ایف
