جو سیٹ ہارا ہوں، اس پر دوبارہ الیکشن کروائے جائیں، عمران خان کا مطالبہ
پاکستان تحریک انصاف کے سینئر قائدین کا اجلاس ہوا
تحریک انصاف کے چیئرمین عمران خان نے اجلاس کی صدارت کی،اجلاس میں ملک بھر میں ضمنی انتخابات میں تحریک انصاف کی تاریخی کامیابی پر بھرپور اظہارِ تشکر کیا گیا،اجلاس میں پاکستان کی آزادی و خودمختاری کے ضمن میں امریکی صدر کے بیان پر شدید تشویش کا اظہار کیا گیا اجلاس میں سینٹر اعظم سواتی پر زیرحراست تشدد کی مذمت کی گئی سینیٹر اعظم سواتی پر تشدد کی تحقیقات اور ذمہ داروں کیخلاف سخت کارروائی کیلئےاقدامات کی منظوری دی گئی اجلاس میں حقیقی آزادی کی تحریک کے حتمی مرحلے کی منصوبہ بندی پر تفصیلی مشاورت کی گئی
اجلاس کے بعد پریس بریفنگ میں سابق وزیراعظم عمران خان کا کہنا تھا کہ ضمنی انتخاب ملتوی کرنے کی باربارکوشش کی گئی حکومت میں شامل تمام جماعتوں نےالیکشن لڑا،کراچی میں جو ایک سیٹ ہارے ہیں وہاں پرپیپلزپارٹی نے کھل کردھاندلی کی کراچی کی نشست پردوبارہ الیکشن کرانا چاہیے،چیف الیکشن کمشنرن لیگ کاخاص آدمی ہے،ہم پہلے سے چیف الیکشن کمشنرپرعدم اعتماد کرچکے ہیں کیونکہ وہ غیرجانبدارنہیں رہے،آڈیو لیک میں ثابت ہوگیا سکندر سلطان ن لیگ کا خاص آدمی ہے۔ جس حلقے میں دھاندلی ہے اس حلقے میں دوبارہ الیکشن کرائے جائیں تمام اداروں کو کہنا چاہتا ہوں کہ جتنی دیر یہ مسلط رہیں گے ملک نیچے جائے گا ۔مجھے این آر او کے لیے بلیک میل کیا گیا، میں نے این آر او نہیں دیا،قوم اس وقت الیکشن چاہتی ہے، قوم اس امپورٹڈ حکومت اور اسمبلی کو نہیں مانتی،قوم دیکھ رہی ہے کہ یہاں صرف چھوٹے چوروں کو سزا ملتی ہے، بڑے ڈاکو قانون کی گرفت سے آزاد ہیں،
عمران خان کا کہنا تھا کہ یہ الیکشن ایک ریفرنڈم تھا سب جانتے ہیں ہم نے اسمبلیوں میں نہیں جانا اس حکومت کو ہم نہیں مانتے، مشرف نے انکو این آر او دے کر ملک کا بہت بڑا نقصان کیا۔ کراچی ملیر کی رزلٹ کو مسترد کرتے ہیں وہاں بدترین دھاندلی ہوٸی لہذا وہاں دوبارہ الیکشن کرایا جاٸے۔ تشددکیخلاف ہم پنجاب اورخیبرپختونخوا اسمبلی کے سیشن کال کریں گے، اپنی کرپشن بچانے کے علاوہ ان کےپاس کوئی پروگرام نہیں ، یہ ملک کوڈیفالٹ کی طرف لیکرجارہے ہیں،عالمی فورمز پر اس تشدد کے خلاف آواز اٹھائیں گے، سپریم کورٹ بھی جائیں گے،شہباز گل ایک پروفیسر تھا اسے پکڑ کر تشدد کیا گیا سندھ ہاؤس میں منڈیاں لگا کرانہوں نے لوٹے خریدے اوراسمبلی گرائی گئی، بیرونی سازش ہی تھی کہ عمران خان کو ہٹاؤ اور شہباز کو لاؤ،مارچ کیلئے ہماری تیاری مکمل ہے،مارچ کا اعلان اکتوبرمیں ہی کروں گا،یہ الیکشن سے ڈرےہوئے ہیں، میں ان کو ٹائم دے رہا ہوں، الیکشن کا اعلان کریں، مذاکرات کے حوالے سے کچھ واضح نہیں ہے کیونکہ نوازشریف ڈرے ہوئے ہیں
لانگ مارچ،ابتدا آپ نے کرنی ہے،انجام ہمارے پاس ہو گا،وزیر داخلہ کا عمران خان کو پیغام
اعظم نذیر تارڑ نے کہا ہے کہ جدید دور میں سائبر حملے عام ہوگئے ہیں
آڈیو لیک،عمران خان کیخلاف سخت کاروائی کی قرارداد اسمبلی میں جمع
ہیکرز نے دعوی کیا ہے کہ اب مزید آڈیو جمعہ کو جاری کی جائیں گی
عمران خان کا جھوٹا بیانیہ سب نے دیکھ لیا،آڈیو کے بعد بھی یوٹرن لے سکتے ہیں،عظمیٰ بخاری
تیر کا نشان فتح کا نشان، شاباش جیالو شاباش،آصف زرداری کا پیغام
واضح رہے کہ گزشتہ روز قومی اسمبلی کے ضمنی انتخابات ہوئے، عمران خان سات سیٹوں پر امیدوار تھے جن میں سے چھ سیٹیں عمران خان نے جیت لیں جب کہ ایک نشست پر عمران خان کو شکست ہوئی، وہ پیپلز پارٹی کے امیدوار نے جیتی، مجموعی طور پر پیپلز پارٹی کو قومی اسمبلی کی دو مزید سیٹیں مل گئیں، کراچی اور ملتان میں عوام نے تحریک انصاف کو مسترد کر دیا،
