امریکا نے دعویٰ کیا ہے کہ ہمارے پاس روس کے ایرانی ڈرون استعمال کرنے کے ثبوت ہیں-
باغی ٹی وی : جمعرات کو امریکی محکمہ خارجہ کے ترجمان نیڈ پرائس نے تصدیق کی کہ ان کے ملک کے پاس یوکرین کے شہریوں اور اہم انفراسٹرکچر پر بمباری کے لیے ایرانی ڈرون کے استعمال کے اہم شواہد موجود ہیں۔
بھارت کے خاتون صحافی کو امریکی سفر سے روکنے پر امریکا کا ردعمل
پرائس نے کہا کہ واشنگٹن نے برطانیہ اور فرانس کےساتھ مل کر سلامتی کونسل کے سامنے تبادلہ خیال کیا ہے کہ ایران نے ڈرونز کو روس منتقل کر دیا ہے، انہوں نے اس بات پر زور دیا کہ امریکہ اس منتقلی میں ملوث تمام افراد کے خلاف پابندیاں اور دیگر مناسب اقدامات کرنے سے دریغ نہیں کرے گا۔
دریں اثنا امریکا نے روسی افراد اور ایک روسی ملٹری پروکیورمنٹ کمپنی پرنئی پابندیاں عائد کردی ہیں۔ ان پرواشنگٹن نے امریکی کمپنیوں سے فوجی ٹیکنالوجیز خریدنے اور روسی صارفین کو فراہم کرنے کا الزام لگایا تھا۔
ایران ،روس کو مزید ڈرون فراہم کرے گا
امریکی وزارت خزانہ نے کہا کہ اتحادیوں کی طرف سےعائد پابندیوں اوربرآمدی پابندیوں کی وجہ سے ماسکو کو اپنی جنگ کے لیے درکار پیداواری اشیا اور ٹیکنالوجیز کو حاصل کرنے میں بڑھتی ہوئی مشکلات کا سامنا کرنا پڑا ہے جس کی وجہ سے وہ کم معیار کی مصنوعات فراہم کرنے والوں کا سہارا لے رہا ہے۔
دوسری طرف یوکرین کے صدر زیلنسکی نے کہا ہے کہ یوکرین کی افواج نے ایک ماہ کے اندر اندر 233 ایرانی ساختہ ڈرون مار گرا دئیے ہیں۔ انہوں نے کہا یوکرین کی فوج یوکرین کی فضائی حدود کی سلامتی اور تحفظ کو یقینی بنانے کے لیے کام کر رہی ہے۔
