ایل ڈی اے افسران و ملازمین جمعہ کو کشمیریوں سے اظہار یکجہتی کریں گے

ایل ڈی اے افسران و ملازمین جمعہ کو کشمیریوں سے اظہار یکجہتی کریں گے

باغی ٹی وی کی رپورٹ کے مطابق وزیر اعظم پاکستان عمران خان کی ہدایت پر لاہور ڈویلپمنٹ اتھارٹی کے افسران وملازمین جمعہ 30اگست2019ءکو دن 12بجے کشمیر کاز کے لئے اظہار یکجہتی کریں گے۔ اس موقع پر ایل ڈی اے کے زیر انتظام چلنے والے چھ سکولوں میں مسئلہ کشمیر کے موضوع پر سیمینار ز منعقد ہوں گے۔

دوسری جانب لاہور ڈویلپمنٹ اتھارٹی کے ڈائریکٹر جنرل محمد عثمان معظم نے شہریوں سے براہ راست رابطے اور ان کی شکایات ذاتی طور پر وصول کرنے کافیصلہ کیا ہے اور اس مقصد کے لئے خصوصی وٹس ایپ نمبر جار ی کردیا ہے۔ڈائریکٹر جنرل وٹس ایپ نمبر03228888283 کے ذریعے شہریوں کی شکایات وصول کریں گے اور وٹس ایپ کے ذریعے روزانہ کی بنیاد پر شکایات/تجاویز کنندگان کو ذاتی طور پر کال بیک بھی کریں گے۔شہری سڑکوں کی حالت،ایل ڈی اے کی حدود میں تجاوزات،غیر قانونی تعمیرات ،غیر قانونی کمرشل سرگرمیوں،پلاٹوں پرناجائز قبضے اور پرائیویٹ رہائشی سکیموں سے متعلق اپنی شکایات ڈائریکٹر جنرل ایل ڈی اے کو وٹس ایپ کر سکتے ہیں۔شکایت کنندگان کے نام ،پتہ ٹیلی فون نمبر اور دیگر تفصیلات صیغہ راز میں رکھی جائیں گی۔شہریوں سے کہا گیا ہے کہ وہ اپنی حقیقی شکایات کے ساتھ دستیاب ثبوت بھی وٹس ایپ کے ذریعے ارسال کریں