لاہور: امیر جماعت اسلامی پاکستان سراج الحق نے کہا ہے کہ ملک میں اس وقت سیاسی اور فضائی آلودگی عروج پر ہے ہر دوسرا شخص معاشی تنگی سے پریشان ہے۔
باغی ٹی وی : الخدمت فاؤنڈیشن کے زیر اہتمام والنٹیئرز کنونشن سے خطاب کرتے ہوئے سراج الحق نے کہا کہ کرپٹ کرپٹ اور چو ر چوروں کا کبھی احتساب نہیں کریں گے۔سود سے پاک معاشی نظام ہی دراصل پاکستان کی معیشت کی ضمانت ہے۔
گارڈن ٹاؤن میں ٹرانسجینڈر سکول کا افتتاح
سراج الحق کا کہنا تھا کہ اس وقت عدالتوں میں 31 لاکھ مقدمات التوا کا شکار ہیں جب کہ احتساب کے ادارے خود احتساب کے قابل ہیں 11 لاکھ 75 ہزار تنخواہ لینے والا ایک شخص چلا گیا، مگر ایک عورت کو انصاف نہیں مل رہا۔نیب سربراہ جسٹس (ر) جاوید کہتے تھے کہ آپ 8 سال سے کیوں گھوم رہی ہیں۔
امیر جماعت اسلامی نے کہا کہ اس ملک میں آئین و قانون کی حکمرانی ہونی چاہیے۔ایک ملک کفر کے ساتھ تو چل سکتا ہے ظلم کے ساتھ نہیں الخدمت فاؤنڈیشن 10 لاکھ طلبہ رضاکار تیارکررہی ہےجوتمام تفرقات سےبالاترہوکرقوم کی خدمت کریں گےسیلاب کی آفت میں الخدمت کے رضاکاروں نے جس انداز میں کام کیا، اس کی مثال نہیں ملتی۔
اسلم رئیسانی کی مختلف قبائل کے ہمراہ جے یو آئی میں شمولیت
سراج الحق کا کہنا تھا کہ میں کراچی سے بذریعہ سڑک کوئٹہ پہنچا تو وہاں کے حالات دیکھ کر حکمرانوں کے دعوے سنے، جو ٹی وی پر بیٹھ کر محض باتیں کرتے ہیں یہ کورونا اور زلزلے کے نام پر فنڈز لیتے ہیں۔ میں نے بحیثیت سینیٹر،سینٹ میں سوال کیا تو جواب ملا کہ 87 فیصد رقم انتظامی اور 13 فیصد متاثرین کو دی گئی ہے۔
