کوئی بچ کے نہیں پائے گا ؛ سافٹ ویئر’’ ہوٹل آئی ‘‘غلطی سے معمولی جرم کو نہیں‌چھوڑے گا

لاہور : غیر ارادی طور پر چھوٹی سی غلطی بھی درد سر بن سکتی ہے ، اطلاعات کے مطابق آئی جی پنجاب کی طرف سے جرائم کو کنٹرول کرنے کے لیے کریکٹر سرٹیفکیٹ پرمعمولی جرائم میں ملوث شہریوں کیلئے پولیس ریکارڈ ہولڈر جبکہ سنگین جرائم میں ملوث افراد کے کریکٹر سرٹیفکیٹ پر کریمینل ریکارڈ ہولڈر درج کرنے کا فیصلہ کرلیا ہے ، سافٹ ویئر’’ ہوٹل آئی ‘‘ کے تحت بھی صرف عدالتی اشتہاری اور سنگین جرائم کے اشتہاریوں کے خلاف ایکشن لیا جائے گا۔

پنجاب پولیس ذرائع کے مطابق لاہورسمیت پنجاب بھر میں کوئی شہری کریکٹرسرٹیفکیٹ کیلئے تھانے جانا پڑتا تھا ، اگرکسی شہری پرمعمولی نوعیت کا مقدمہ درج ہوتا تو کریکٹر سرٹیفکیٹ پرکریمینل ریکارڈ ہولڈرکا اندراج کردیا جاتا تھا۔ جس کی وجہ سے بیرون ملک میں مقیم شہریوں کو شدید مشکلات کا سامنا کرنا پڑتا تھا۔

دوسری طرف پولیس ذرائع کے مطابق اس سلسلے میں‌آئی جی پنجاب نے ان مشکلات کو مدنظر رکھتے ہوئے احکامات جاری کیے ہیں کہ معمولی جرائم میں ملوث شہریوں کے کریکٹرسرٹیفکیٹ پر پولیس ریکارڈ ہولڈر درج کیا جائے جبکہ سنگین جرائم میں ملوث رہنے والے شہریوں کے کریکٹرسرٹیفکیٹ پر کریمنل ریکارڈ ہولڈر درج کیا جائے تاکہ شہریوں کو مشکلات کا سامنا نہ کرنا پڑے۔