باغی ٹی وی کی رپورٹ کے مطابق شہر قائد کراچی میں جرائم پیشہ عناصر کیخلاف پولیس کی کاروائی کا سلسلہ جاری ہے،
بلال کالونی پولیس نے بین الصوبائی ڈکیت گروہ کا سرغنہ ساتھیوں سمیت گرفتار کر لیا ،ملزمان کراچی سمیت انٹیریر سندھ، حب بلوچستان، پنجاب کے پوش علاقوں میں میں درجنوں وارداتوں میں پولیس کو مطلوب تھے ، ملزمان کی گرفتاری خفیہ اطلاع اور ٹیکنیکل بنیادوں پر کی گئی جبکہ سی سی ٹی وی فوٹیج کی مدد سے سے بھی ملزمان کی شناخت ہوئی ،گرفتار ملزمان میں ریاض عرف سندھو عرف راجو ، حماد عرف حمزہ ، بدرو شکارپوری ، ارباز اور ایوب پینٹر شامل ہیں گرفتار ملزمان نے ریکی کے بعد بلال کالونی کی حدود سے ایک شہری سے 3 لاکھ چھین کر فائرنگ کرتے ہوئے فرار ہوئے تھے ،ملزمان نے انکشاف کیا کہ NKIA کی حدود چاند میڈیکل کے سامنے سے آصف نامی شہری سے 1 لاکھ چھینے تھے جسکا مقدمہ 1165/2022 دفعہ 397/34 ت پ درج ہے
ملزمان نے مزید انکشاف کیا کہ خواجہ اجمیر کی حدود سے گن پوائنٹ پر 3 عدد موبائل فون نقدی اور قیمتی سامان لوٹ کر فرار ہوگئے تھے جسکا مقدمہ 733/2022 دفعہ 392/397/34 ت پ درج ہوا تھا ،گینگ کا مرکزی ملزم ریاض عرف راجو اور بدرو شکارپور سے مختلف ڈکیتی اقدامِ قتل کے مقدمات میں اشتہاری ہے ملزم ریاض اور بدرو چھینے ہوئے موبائل فون بلوچستان حب اور ساکران میں کم داموں فروخت کرتے تھے جو آگے خضدار، وادھ چمن اور افغانستان میں فروخت کیا جاتا ہے ملزمان شکارپور سے کراچی واردات کرنے آتے اور پھر واپس شکارپور چلے جاتے تھے ملزمان واردات کے دوران فائرنگ کرنے سے بھی گریز نہیں کرتے ملزمان کے قبضے سے واردات میں استعمال ہونے والا اسلحہ، نقدی اور چھینے ہوئے موبائل فون برآمد کر لیے گئے ملزمان کے دیگر ساتھیوں کی گرفتاری کے لئے چھاپے مارے جا رہے ہیں
خاتون کی لاش کے کئے 56 ٹکڑے، ٕگوشت بھی کھایا ، ملزمان کا تہلکہ خیز انکشاف
