اسلام آباد ہائیکورٹ ،نصابی کتب میں غلطیوں کیخلاف درخواست پر سیکرٹری تعلیم اور چیئرمین فیڈرل تعلیمی بورڈ ذاتی حیثیت میں طلب کرلئے گئے
اسلام آباد ہائیکورٹ کے چیف جسٹس عامر فاروق نے ایک خاتون شہری کی درخواست پر سماعت کی ،خاتون وکیل نے نصاب کی نگرانی اور سٹینڈرڈ آف ایجوکیشن ایکٹ پر عملدرآمد یقینی بنانے کی استدعا کر رکھی ہے، عدالت نے اظہار برہمی کرتے ہوئے کہا کہ فیڈرل بورڈ سمیت فریقین کے وکلاء عدالتی سوالات کے جواب دینے میں ناکام ہو گئے ہیں، اسلام آباد ہائیکورٹ کے چیف جسٹس عامر فاروق نے ریمارکس دیتے ہوئے کہا کہ آپ لوگوں کو اپنے کیس کا ہی پتہ نہیں، نصاب ڈیزائن کون کرتا ہے؟ سادہ سا سوال پوچھا ہے بتا دیں کون نصاب تیار کرتا ہے؟
اسلام آباد ہائیکورٹ کے چیف جسٹس عامر فاروق نے ریمارکس دیتے ہوئے کہا کہ درخواست گزار نے بھی یہی کہا ہے کہ اُسے پتہ نہیں چل رہا کون نصاب بنا رہا ہے؟آپ لوگوں کو کچھ پتہ نہیں کہ کون نصاب بنا رہا ہے تو سیکرٹری کو بلاتے ہیں، درخواست گزار نے کہا کہ نصاب میں غلطیاں بھی موجود ہیں بچوں کو پڑھاتے ہوئے نظر آئیں، غلطیاں کیوں ہوئیں، چیک کیوں نہیں کیا گیا،اس کا ذمہ دار کون ہے؟ عدالت نے سیکرٹری ایجوکیشن اور چیئرمین فیڈرل بورڈ کو طلب کرتے ہوئے سماعت دو ہفتوں تک ملتوی کر دی
مبشر لقمان پاکستان برج فیڈریشن کے صدر منتخب
سپریم نیشنل برج چیمپئن شپ:باغی ٹی وی ٹیم کی شاندار کاکردگی
لاہور میں تین روزہ پاکستان نیشنل برج ٹورنامنٹ اختتام پذیر
برج گیم میں جوا اور پیسے نہیں لگتے:برج پلیئرغیاث ملک ، جہانگیر اور سعید اختر
