سپریم نیشنل برج چیمپئن شپ:باغی ٹی وی ٹیم کی شاندار کاکردگی

0
48

لاہور:سپریم نیشنل برج چیمپئن شپ:باغی ٹی وی ٹیم کی شاندار کاکردگی ،اطلاعات کے مطابق آج لاہور کے معروف جم خانہ کلب میں سپریم نیشنل برج چیمپئن کی طرف سے ایک ٹورنا منٹ کا انعقاد کیا گیا ، اس میں پاکستان کی معروف ٹیموں نے حصہ لیا

ذرائع کے مطابق سپریم نیشنل برج چیمپئن شپ کچھ دیر قبل لاہور جم خانہ میں اختتام پذیر ہوئی ہے جس میں‌ سوشل میڈیا کی دنیا کے ایک معروف نام برانڈ جسے دنیا باغی ٹی وی کے نام سے جانتی ہے کی ٹیم نے شاندار کھیل کا مظاہرہ کیا اورکئی ٹیموں کو شکست دی، یہ بھی معلوم ہوا ہےکہ اس ٹورنا منٹ میں باغی ٹی وی کی ٹیم ٹیم ایونٹ میں رنر اپ رہی ہے۔

 

 

ذرائع کے مطابق سپریم نیشنل برج چیمپئن شپ کے پیئر ایونٹ میں ٹاپ پوزیشن اور مکسڈ ٹیموں میں تیسری پوزیشن اس لیے باغی نے کسی نہ کسی طرح تینوں ٹائٹل اپنے نام کیے

 

 

یاد رہے کہ جمخانہ کلب لاہور میں نیشنل برج چیمپئن شپ کا آغاز جمعہ کو ہوا تھا تین روز میں مختلف ٹیموں میں مقابلے ہوئے۔ باغی ٹی وی کی ٹیم کی قیادت مبشر لقمان نے کی تھی ۔ ٹورنامنٹ میں خواتین کھلاڑیوں نے بھی حصہ لیا تھا۔ ٹورنامنٹ کو سپریم فوم نے سپانسر کیا تھا۔

ٹورنامنٹ کے پہلے مرحلے میں پئیر سیشن ہوا جس میں کراچی ملتان ،اسلام آباد سے چوبیس پئیرزنے حصہ لیا، ٹیموں کا پہلے مرحلے میں دو سیشنز (نارتھ، سائوتھ اور ایسٹ، ویسٹ) میں مقابلہ ہوا دونوں‌گروپوں (نارتھ ، سائوتھ اور ایسٹ ، ویسٹ) کے تین تین ونرز کے درمیان پرائز منی تقسیم کی گئی. اس ٹورنامنٹ میں کھلاڑیوں نے بھرپور دلچپسی لی، یہاں تک کہ خواتین بھی اس ٹورنامنٹ میں حصہ لیتے ہوئے دکھائی دیں. ہر کھلاڑی پر جوش نظر آیا. ‘پاکستان نیشنل برج چیمپئن شپ” کو ملکی سطح پر فروغ دئیے جانے کی ضرورت ہے. اس طرح‌کے ٹورنامنٹس کا انعقاد ہوتے رہنا چاہیے اور ہوتا بھی ہے لیکن جس طرح سے انٹرنیشنل لیول پر اس کھیل کو بہت زیادہ پذیرائی ملتی ہے اس طرح‌سے پاکستان میں‌نہیں دی جاتی تاہم یہ ٹورنامنٹ خاصی اہمیت کا حامل ہے.

Leave a reply