بیرون ملک علاج سے واپس آنے والی فلسطینی لڑکی گرفتار

اسرائیلی فوج نے بیرون ملک علاج کروانے کے بعد واپس آنے والی فلسطینی لڑکی مریم کو گرفتار کر لیا۔مریم کو غرب اردن پہنچنے کے بعد حراست میں لیا گیا۔

قابض اسرائیلی فوج نے مریم علی احمد ابو عبید کو اردن کے راستے الکرامہ گذرگاہ سے حراست میں لیا۔ مریم کچھ عرصہ پہلے علاج کی غرض سے متحدہ عرب امارات گئی تھیں۔

مقامی فلسطینی ذرائع کے مطابق مریم کو پہلے ایک حراستی مرکز میں منتقل کیا گیاجہاںسے اسے نامعلوم مقام پر منتقل کر دیا گیا ہے۔

قابض صہیونی فوج کی طرف سے فلسطینی لڑکی کی گرفتاری کی کوئی وجہ نہیں بتائی۔