گھڑی سے متعلق انکوئری: عمرفاروق ظہور نے ثبوت پیش کردیئے

گھڑی سے متعلق انکوئری: عمرفاروق ظہور نے ثبوت پیش کردیئے

عمران خان کو جو قیمتی گھڑی تحفہ میں دی گئی تھی اس گھڑی کی فروخت سے متعلق انکوئری میں عمرفاروق ظہور دبئی میں پاکستانی قونصل خانہ میں حکام کے سامنے انکوئری کیلئے پیش ہوئے۔ دبئی میں قائم پاکستانی قونصل خانہ نے اپنے ایک دستاویز میں بتایا کہ عمر فاروق ظہور انکوئری کیلئے پیش ہوئے اور انہوں نے وہ تمام ثبوت پیش کردیئے ہیں۔ جس کی بنیاد پر انہوں نے اس قیمتی گھڑی کی خریداری کا دعویٰ تھا.

جبکہ اس دستاویز میں مزید لکھا گیا ہے کہ اس انکوئری کے سامنے جو ثبوت پیش کیئے گئے ہیں انہیں معزز عدالت کو فراہم کردیا جائے گا۔ خیال رہے کہ گزشتہ سال نجی ٹی وی کے پروگرام میں شریک پاکستانی نژاد اماراتی بزنس مین کی جانب سے دعویٰ کیا گیا تھا کہ شہزاد اکبر کی جانب سے فون پر پیشکش کے بعد یہ گھڑی فرح گوگی دبئی لے کر پہنچی تھیں جہاں اسے انہوں نے خریدا۔
مزید یہ بھی پڑھیں؛
عورت مارچ کے انعقاد میں کوئی رکاوٹ نہیں ڈالی جائے گی،پنجاب حکومت
قانون کی حکمرانی کی بھاشن دینے والے آج عدالتی احکامات کی دھجیاں اڑا رہے ہیں،شرجیل میمن
میئر کراچی کیلئے مقابلہ دلچسپ، پیپلزپارٹی اور جماعت اسلامی کی نشستیں برابر ہوگئیں
مکیش امبانی کے ڈرائیورز کی تنخواہ کتنی؟ جان کردنگ رہ جائیں
سعود ی عرب :بچوں سے زیادتی کے مجرم سمیت 2 ملزمان کو سزائے موت
لیکن اس دعوے کے بعد پی ٹی آئی نے دبئی کے تاجر عمر فاروق ظہیر کے دعوے کی تردید کرتے ہوئے کہا تھا کہ پانچ ملین ڈالر کی گھڑی کبھی کسی وزیر اعظم کو تحفے میں نہیں دی گئی۔ جبکہ تاجرعمرفاروق کوگھڑی فروخت نہیں کی گئی،نہ ہی اس شخص کا عمران خان سے کوئی تعلق ہے کیونکہ پانچ ملین ڈالر کی گھڑی کبھی کسی وزیراعظم کو تحفہ میں نہیں دی گئی ہے.