سینئر اداکار طلعت حسین جن کی بیٹی تزین حسین ایک بہترین اداکارہ ہیں انہوں نے نوے کی دہائی میں کافی ڈراموں میں کام کیا اس کے بعد وہ اداکاری سے دور ہو گئیں. اداکارہ ایک بار پھر چھوٹی سکرین پر دکھائی دے رہی ہیں، کافی سالوں کے بعد تزین نے ٹی وی کا رخ کیا ہے. اور وہ ڈرامہ سیریل یونہی میں نظر آرہی ہیں، تزین کو ان کے پرستار ایک بار پھر چھوٹی سکرین پر دیکھ کر بہت زیادہ خوش ہیں. تزین کی حقیقت کے قریب اداکاری شائقین کو کافی بھاتی ہے. تزین حسین درس و تدریس کے شعبہ سے وابستہ ہیں.اور مختلف جامعات میں بطور ایسوسی ایٹ پروفیسر اور ڈپارٹمنٹ ہیڈ کے طور پر فرائض انجام دے رہی ہیں. تزین حسین کے کیرئیر کو دیکھیں تو ہمیں ان کے
کریڈٹ پر سپر ہٹ ڈرامے اور ٹیلی فلمز نظر آتی ہیں ، انہوں نے جن ٹیلی فلمز میںاپنی اداکاری کے جوہر دکھائے ان میں مہلت، اور عورت قابل ذکر ہیں۔ چھوٹی سکرین پر واپسی کے حوالے سے تزین حسین کا کہنا ہے کہ مجھے بہت خوشی ہے کہ میرے مداحوں نے مجھے ایک بار پھر ویلکم کیا ہے. مجھے اچھے کردار ملتے رہے تو میں کرتی رہوں گی.
