کچلاک؛ دہشتگردوں کی ایگل اسکواڈ پر فائرنگ؛ دو اہلکار شہید جبکہ ایک حملہ آور ہلاک

کچلاک؛ دہشتگردوں کی ایگل اسکواڈ پر فائرنگ؛ دو اہلکار شہید جبکہ ایک حملہ آور ہلاک

بلوچستان کے قضبے کچلاک کے علاقے کلی اسپین میں دہشتگردوں کی فائرنگ سے کانسٹیبلز عبدالجبار اور جلات خان شہید ہوگئے، جبکہ پولیس نے جوابی فائرنگ میں ایک حملہ آور ہلاک کردیا۔ کلی سپین میں نامعلوم دہشت گردوں نے ایگل اسکواڈ پر فائرنگ کی جس کے نتیجے میں موٹر سائیکل پر سوار تین اہلکار زخمی ہوگئے، جوابی فائرنگ سے ایک مبینہ دہشت گرد کی زخمی ہونے کی اطلاع ہے۔

وزیراعلیٰ بلوچستان میر عبدالقدوس بزنجو نے کچلاک تھانہ کی حدود میں گشت پر مامور ایگل اسکواڈ کے اہلکاروں پر فائرنگ کے واقعہ کی مذمت کی ہے۔ وزیراعلیٰ نے دہشت گردوں کی فائرنگ سے دو اہلکاروں کے شہید اور دو کے زخمی ہونے پر دکھ اور افسوس کا اظہار کیا ہے، ساتھ ہی جوابی فائرنگ سے ایک دہشت گرد کو ہلاک اور دو کو زخمی کرنے پر سیکورٹی اہلکاروں کو خراج تحسین پیش کیا ہے۔

وزیراعلیٰ بلوچستان میر عبدالقدوس بزنجو نے کہا کہ سیکورٹی اہلکاروں کی جوابی کارروائی دہشت گردوں کو کیفر کردار تک پہنچانے کے عزم کا اظہار ہے۔ دہشت گرد اپنی بزدلانہ کارروائیوں سے سیکیورٹی فورسز کے حوصلے پست نہیں کر سکتے۔
مزید یہ بھی پڑھیں؛
26 سال کے بعد بھی شاہ رخ خان کا کرشمہ قائم ہے شامک داور
کرشنا ابھیشیک نے اپنے ماموں گووندا اور ممانی کے ساتھ جھگڑے کی خبروں پر رد عمل دیدیا
سورو گنگولی نغمہ کے ساتھ اپنی دوستی چھپا کر رکھنا چاہتے تھے لیکن کیا ہوا؟‌
سعودی عرب: حسن قرات کا دنیا کا سب سے بڑا مقابلہ ایرانی قاری نے جیت لیا
کچے کے علاقے میں ڈاکوؤں کے خلاف آپریشن ،آئی جی پنجاب اور ڈی پی او پر فائرنگ
وزیراعلیٰ کا کہنا تھا کہ پوری قوم دہشت گردی کے خلاف جنگ میں سیکیورٹی فورسز کے ساتھ ہے۔ وزیراعلیٰ نے شہید اہلکاروں کے خاندانوں سے تعزیت ہمدردی اور یکجہتی کا اظہار کرتے ہوئے دعا کی ہے کہ اللہ تعالیٰ شہداء کے درجات بلند اور لواحقین کو صبر جمیل عطاء فرمائے۔ وزیراعلیٰ بلوچستان نے زخمی اہلکاروں کی جلد صحتیابی کے لئے نیک خواہشات کا اظہارکیا ہے۔