برطانوی وزیراعظم بورس جانسن نے ملک میں 14 اکتوبر کوعام انتخابات کرانے کا عندیہ دے دیا ہے۔
برطانوی وزیراعظم نے ملکہ برطانیہ کو بریگزٹ ڈیل سے چند ہفتے پہلے پارلیمنٹ معطل کرنے کا کہہ دیا
بورس جانسن نے ممبران پارلیمنٹ کو خبرداد کیا کہ اگرممبران نے بریگزٹ کی راہ میں رکاوٹ پیدا کی تو وہ قبل از وقت انتخابات کراسکتے ہیں۔ ممبران پارلیمان بریگزٹ میں تعطل پیدا نہ کریں اور میں نہیں چاہتا کہ برطانیہ میں نئے انتخابات ہوں۔
واضح رہے کہ گزشتہ ہفتے ملکہ ایلزبتھ دوئم نے وزیراعظم کی درخواست پر پارلیمان معطل کرنے کی منظوری دے دی تھی۔
یاد رہے کہ وزیر اعظم بننے کے بعد بورس جانسن نے اپنے پہلے خطاب میں کہا تھا کہ یورپی یونین بریگزٹ معاہدے پر نظر ثانی کرے۔
تین سال قبل 2016 میں ریفرنڈم کے نتائج کے مطابق 52 فیصد برطانوی عوام نے یورپی یونین سے علیحدگی کے حق میں جبکہ 48 فیصد نے یونین کا حصہ رہنے کے حق میں ووٹ دیا تھا۔
