عمران خان نے چیئرمین نیب کیخلاف سپریم جوڈیشل کونسل میں درخواست دائر کر دی

چیئرمین تحریک انصاف عمران خان نے چیئرمین نیب کے خلاف سپریم جوڈیشل کونسل سے رجوع کرلیا۔

باغی ٹی وی: سابق وزیراعظم پاکستان اور چیئرمین پی ٹی آئی عمران خان کی جانب سے سپریم جوڈیشل کونسل میں دائر درخواست میں کہا گیا ہے کہ چیئرمین نیب نذیر احمد نے یکم مئی کو چھٹی والے روز وارنٹس گرفتاری جاری کئے، چھٹی والے روز جاری کئے گئے وارنٹس کو 8روز تک چھپائے رکھا انکوائری کو انویسٹی گیشن میں بدلنے کا بھی نہیں بتایا گیا۔

آج ہی بتائیں کہ بشری بی بی کیخلاف کتنے کیسز درج ہیں؟عدالت

عمران خان کی جانب سے چئیرمین نیب کے خلاف درخواست آرٹیکل 209 اور نیب آرڈیننس کے سیکشن 6 کے تحت دائرکی گئی ۔

واضح رہے کہ نیشنل کرائم ایجنسی 190 ملین پاؤنڈ اسکینڈل میں نیب راولپنڈی نے پاکستان تحریک انصاف کے چیئرمین عمران خان اور ان کی اہلیہ بشری بی بی کو آج طلب کرلیا،نیب نے 190 ملین پاؤنڈ سکینڈل کے مرکزی ملزم عمران خان کو آج 11 بجے نیب راولپنڈی دفتر طلب کیا ہے۔

عثمان بزدار،فرح گوگی اور بشری بی بی کے بیٹے سمیت 8 افراد کے خلاف مقدمہ …

چیئرمین پی ٹی آئی کو نیب سوالنامے کے تمام سوالات کے جواب لانے کے ساتھ کمبائنڈ انوسٹی گیشن ٹیم کے سامنے پیش ہونے کی ہدایت کی گئی،نیب نے عمران خان کے جواب کو غیر تسلی بخش قرار دیتے ہوئے دوبارہ کا نوٹس جاری کیا تھا۔

نیشنل کرائم ایجنسی 190 ملین پاؤنڈ اسکینڈل میں نیب نے بشری بی بی کو بھی آج طلب کیا ہےنیب نے بشری بی بی کوبطور گواہ نوٹسزجاری کیے۔ نیب کی جانب سےعدالت میں بتایا گیاکہ بشری بی بی کی گرفتاری نہیں چاہیئےبشری بی بی سےالقادر ٹرسٹ کی دستاویزات رجسٹریشن اور ایچ ای سی سے رجسٹریشن سمیت ملنے والے عطیات کی تفصیل بھی طلب کی گئیں ہیں۔

ینگ ڈاکٹرزکی ہڑتال:عدالت نے پنجاب حکومت اور سیکرٹری صحت سے جواب طلب کرلیا