شوبز انڈسٹری کے معروف اداکار و میزبان آغا علی جوکہ کام کے سلسلے میں ملک سے باہر جاتے آتے رہتے ہیں ، ان کا سفر کرنے کا ایک تجربہ ہے، وہ کہتے ہیں کہ میں دنیا کے کئی ملکوں کا سفر کر چکا ہوں وہاں میں نے دیکھا ہے کہ خواتین خود کو محفوظ تصور کرتی ہیں کیونکہ ان کے ملک میںقوانین بہت سخت ہیں. انہوں نے کہا کہ میں باہر کے ملکوں میں سفر کے دوران یہ محسوس کرتا ہوں کہ ہمارے ملک میں ہماری خواتین محفوظ نہیں ہیں،
وہ خائف رہتی ہیں کیونکہ وہ ایک شہر سے دوسرے شہر یا کہیں بھی اکیلے نہیں جا سکتیں کیونکہ وہ خود کو محفوظ محسوس نہیں کرتیں اور ہم ہمیشہ ایک محفوظ اور قدامت پسند معاشرہ ہونے کا دعوی کرتے ہیں۔آغا علی نے کہا کہ ان کی خواہش ہے پاکستان میں حالات بہتر ہوں اور خواتین اکیلے سفر کرتے ہوئے خود کو محفوظ محسوس کریں۔انہوں نے کہا کہ خواتین کو انکے مکمل حقوق ملنے چاہیں اور بلا روک ٹوک ملنے چاہیں یہ نہیں ہونا چاہیے کہ وہ اکیلے آنے جانے سے گھبرائیں، لوگوں کو اپنی سوچ تبدیل کرنی ہو گی اور ان کو بہت سارے معاملات میں آزادی دینی ہو گی جو کہ وہ ڈیزرو کرتی ہیں.