توشہ خانہ کیس، گواہوں کے بیان ریکارڈ کرنیکا فیصلہ

ڈسٹرکٹ اینڈ سیشن کورٹس اسلام آباد ،چیئرمین پی ٹی آئی کے خلاف توشہ خانہ فوجداری کارروائی سے متعلق کیس کی سماعت ہوئی

الیکشن کمیشن کے وکیل سعد حسن اور امجد پرویز عدالت میں پیش ہوئے،خواجہ حارث کی جانب سے ڈاکٹر یاسر عمان عدالت کے روبرو پیش ہوئے اور کہا کہ خواجہ حارث 12 بجے پیش ہوں گے وکیل علی بخاری نے کہا کہ بیرسٹر گوہر کے عزیز کی فوتگی ہوہی ہے اور خواجہ حارث سپریم کورٹ ہیں ،عدالت سے استدعا ہے کہ 12 بجے تک وقفہ کیا جائے،وکیل الیکشن کمیشن نے کہا کہ ہمیں کوئی اعتراض نہیں،عدالت نے استدعا منظور کرتے ہوئے سماعت میں 12 بجے تک وقفہ کر دیا

دوبارہ سماعت ہوئی تو خواجہ حارث عدالت میں پیش ہوئے،عدالت نے گواہوں کے بیانات قلمبند کرنے کا فیصلہ کیا ہے،عدالت نے خواجہ حارث کو چیئرمین پی ٹی آئی کا پلیڈر مقرر کردیا،عدالت نے ریمارکس دیتے ہوئے کہا کہ ملزم صرف ایک بار عدالت میں پیش ہوئے عدالت میں دوسرے کیسز بھی زیرسماعت ہیں،خواجہ حارث کو پلیڈر مقرر کررہا ہوں،عدالت نے وکیل الیکشن کمیشن کو ہدایت کہ آپ اپنے گواہ کا بیان ریکارڈ کروائیں

خواجہ حارث نے کہا آپ ہمارا اعتراض لکھ لیں یہ ممکن نہیں ہے ، ڈسٹرکٹ الیکشن کمشنر وقاص ملک نے بطور گواہ بیان قلبند کراتے ہوئے کہا کہ 2022 سے ڈسٹرکٹ الیکشن کمشنر اسلام آباد تعینات ہوں الیکشن کمیشن نے 7 نومبر 2022 کو بذریعہ خط کمپلینٹ دائر کرنے کا اختیار دیا، عدالت نے دوسرے گواہ کو عدالت سے باہر جانے کی ہدایت کردی،گواہ وقاص ملک نے کہا کہ 7نومبر 2022 کا الیکشن کمشن کا اتھارٹی لیٹر ریکارڈ کا حصہ بنا دیا گیا،ڈسٹرکٹ الیکشن کمشنر نے کہا کہ چیئرمین پی ٹی آئی کیخلاف میں نے کمپلینٹ دائر کی، خواجہ حارث نے اعتراض کرتے ہوئے کہا کہ لیڈنگ سوالات پوچھے جا رہے ہیں ،عدالت نے وکیل الیکشن کمشنر کو ہدایت کی کہ آپ انہیں خود بیان ریکارڈ کروانے دیں آپ کسی سے مدد نہ لیں کسی کے دبائو میں آکر بیان نہ دیں

توشہ خانہ کیس کی سماعت وقفے کے بعد دوبارہ ہوئی،ایڈیشنل سیشن جج ہمایوں دلاور کی عدالت میں گواہ وقاص ملک کا بیان قلمبند کیا گیا، وکیل الیکشن کمیشن امجدپرویز نے کہا کہ خواجہ حارث نے دورانِ وقفہ چائے آفر نہیں کی،جج ہمایوں دلاور نے کہا کہ اِس ترازو کو ہم ابھی بیلنس کرلیتے ہیں، گواہ وقاص ملک نے کہا کہ چیرمین پی ٹی آئی نےالیکشن کمیشن کوبتایا کہ توشہ خانہ سے2020-21 میں 5 قیمتی تحائف لیے،چیرمین پی ٹی آئی نےالیکشن کمیشن کے فارم بی میں پانچوں تحائف کوبطورقیمتی تحائف ظاہرکیا،چیرمین پی ٹی آئی نے تحائف کے نام اور تفصیلات الیکشن کمیشن کےفارم بی میں ظاہر نہیں کیں،چیرمین پی ٹی آئی نے فارم بی میں ظاہر نہیں کیا کہ تحائف کی نوعیت کیا تھی

جج ہمایوں دلاور نے الیکشن کمیشن کے وکیل امجدپرویز کو دوران سماعت چائے منگوا دی، گواہ وقاص ملک نے کہا کہ حقائق سے معلوم ہوا کہ چیرمین پی ٹی آئی نے الیکشن کمیشن میں جھوٹ پر مبنی گوشوارے جمع کروائے،گوشوارے ظاہر نہ کرنا چیرمین پی ٹی آئی کی جانب سے الیکشن ایکٹ کی خلاف وزری ہے،توشہ خانہ کیس کے پہلے گواہ ڈسٹرکٹ الیکشن کمشنر وقاص ملک کا عدالت میں بیان قلمبند ہوگیا

پی ٹی آئی وکلاء کے بار بار بولنے پر جج ہمایوں دلاور نے اظہارِ برہمی کیا اور ریمارکس دیتے ہوئے کہا کہ آپ عدالت کو کنڈکٹ نہ سکھائیں، اپنا رویہ دیکھیں،

قیام پاکستان سے اب تک توشہ خانہ کے تحائف کی تفصیلات کا ریکارڈ عدالت میں پیش

نیب ٹیم توشہ خانہ کی گھڑی کی تحقیقات کے لئے یو اے ای پہنچ گئی، 

وفاقی دارالحکومت میں ملزم عثمان مرزا کا نوجوان جوڑے پر بہیمانہ تشدد،لڑکی کے کپڑے بھی اتروا دیئے

بزدار کے حلقے میں فی میل نرسنگ سٹاف کو افسران کی جانب سے بستر گرم کی فرمائشیں،تہلکہ خیز انکشافات

10جولائی تک فیصلہ کرنا ہے،آپ کو 7 اور 8 جولائی کے دو دن دیئے جا رہے ہیں