بنگلورو: کرناٹک ہائی کورٹ کے چھ ججوں کو جان سے مارنے کی دھمکی دی گئی ہے۔
باغی ٹی وی : بنگلورو پولیس نے کرناٹک ہائی کورٹ کے تعلقات عامہ کے افسر (پی آر او) کے کہنے کے بعد ایک فرسٹ انفارمیشن رپورٹ (ایف آئی آر) درج کی ہے کہ اسے دھمکی آمیز کال اور واٹس ایپ پیغامات موصول ہوئے ہیں جس میں چھ ججوں کو قتل کرنے کی دھمکی دی گئی ہے۔
بھارتی ایجنسی "انڈیا ٹوڈے” کے مطابق ایک نامعلوم شخص نے عدالت کے پبلک ریلیشن آفیسر (پی آر او) مرلی دھر کو بین الاقوامی نمبر سے واٹس ایپ پر کال اور میسج کرکے کرناٹک ہائی کورٹ کے چھ ججوں کو جان سے مارنے کی دھمکی دی اور 50 لاکھ روپے تاوان کا مطالبہ کیافون کرنے والے نے پاکستانی بینک اے بی ایل الائیڈ بینک لمیٹڈ کا اکاؤنٹ نمبر بھی دیا اور کہا کہ رقم جمع نہ ہونے پر دبئی گینگ ججوں کو قتل کر دے گا۔
قصور اسپتال سے نومولود بچی کے اغوا میں 3 نرسیں ملوث نکلیں
فون کرنے والے نے پی آر او کے ساتھ کچھ نمبر بھی شیئر کیے اور کہا کہ یہ ہندوستانی شوٹر ہمارے اپنے شوٹر ہیں۔ جن ججوں کو جان سے مارنے کی دھمکی دی گئی ہے ان کے نام جسٹس محمد نواز، ایچ ٹی نریندر پرساد، اشوک نجاگناور، کے نٹراجن اور ویرپا ہیں، جنہیں ہندی، اردو اور انگریزی میں بھیجا گیا ہے ۔
بھارتی مزدوروں کو برطانوی دور کا ملنے والا خزانہ افسران نے چوری کر لیا
پی آر او نے بتایا کہ 12 جولائی کو شام 7 بجے کال موصول ہوئی تھی۔ دھمکیاں بھیجنے والے نے ہندی، اردو اور انگریزی میں پیغامات بھیجے۔ پی آر او نے اس معاملے میں بنگلورو پولیس میں ایف آئی آر درج کرائی ہے کے مرلی دھر کی شکایت کے بعد بنگلورو کے سنٹرل سی ای این کرائم پولیس اسٹیشن میں تعزیرات ہند (آئی پی سی) اور انفارمیشن ٹیکنالوجی (آئی ٹی) ایکٹ کی کئی دفعات کے تحت مقدمہ درج کیا گیا۔
